Salad

Saka Wikipédia, bauwarna bébas basa Jawa
Salad buah
Salad Platter

Salad inggih punika istilah kanggé jinising panganan ingkang awujud potongan bahan panganan ingkang siap dipundhahar. Salad punika padatanipun kadhapuk saking janganan utawi sayuran mentah utawi kathah ingkang mastani lalapan saha saged ugi saking maneka warni jinis woh-wohan (buah-buahan). Penyajian salad punika kagungan variasi, wonten salad kangge hidangan pambuka, kangge ndampingi panganan utami lan kangge hidangan panutup. Salad punika saged dipundhahar kanthi kahanan adhem (dipunlebetaken kulkas rumiyin) lan saged ugi saged dipundhahar kanthi kahanan temperatur ruang. Kejawi punika salad punika saged ugi kanggé isi roti sandwich. Padatanipun salad punika wonten paling sekedhik satunggal janganan ingkang tasih mentah utawi lalapan lan buah-buahan [1] . Salad punika asring dipundhahar kaliyan saus (dressing) tartamtu. Salad punika sajatosipun namung versi Baratipun jinis dedhaharan wonten ing Indonésia kadosta gado-gado, lotèk, karédok, utawi pecel.

Asaling tembung salad punika saking Perancis salade ingkang ateges sami, saking Latin salata ingkang ateges asin saking sat (salt) utawi uyah. Wonten ing Basa Inggris tembung ingkang kapisan medal minangka salad inggih punika salad utawi sallet nalika abad kaping 14.

Sarem utawi uyah punika wonten gegayutanipun kaliyan salad amargi salad punika dipunparingi bumbu dressing toya sarem utawi asin minyak lan cuka nalika masa Romawi. Pangginaan salad bar punika kapisan wonten ing Inggris Amerika nalika taun 1976.

Sajarah salad[besut | besut sumber]

Sejarawan ngandharaken bilih menawi Bangsa Roma dhahar janganan kacampur kaliyan saus. Babilonia nedhi janganan ijo kaliyan minyak lan cuka kalih èwu taun kepengker. Nalika taun 1699 wonten ing buku, Acetaria:A Discourse on Sallets, John Evelyn ngusahakaken kanca-kancanipun Britons dhahar salad.

Amerika Serikat ngawéntaraken salad wonten ing pungkasan abad 19. Saking Éropah lan Amerika dhateng Cina, Jepang, lan Australia salad banjur dipunsadé wonten ing Supermarket kanggé tiyang ingkang boten gadhah wekdal kanggé damel salad. Wonten ing restoran padatanipun sampun wonten salad bar ingkang dipunranté panganan fastfood kados wonten ing McDonald's lan KFC.

Salad versi Indonésia[besut | besut sumber]

Cathetan suku[besut | besut sumber]

  1. ^ [javaartwork.com/storage/modul.docx], Salad (dipun-akses tanggal 29 Oktober 2012).
  2. ^ [1], Salad asli Indonésia (dipun-akses tanggal 29 Oktober 2012).

Delengen uga[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Salad&oldid=1044626"