Rujak

Saka Wikipédia, bauwarna bébas basa Jawa
Bakul rujak ing Jakarta.

Rujak ya iku salah sijiné panganan tradhisional kang biasané digawé saka irisan utawa parutan woh-wohan utawa janganan kang dibumboni sambel. Rujak asalé saka Indonésia semana uga ana ing tlatah Malaysia lan Singapura. Rujak ana ing tlatah Jawa Tengah uga diarani Lothék. Sambel rujak jenisé ana loro, ya iku sampel dulit (kenthel) lan sambel èncèr (kuah). Sambel rujak digawé saka bumbu uyah , gula jawa utawa gula abang, lombok abang utawa lombok jempling (rawit) , trasi, bawang, lan Asem jawa asring kasebut karan asem kawak. Ana uga kang ditambahi jeruk purut lan petis.[1] Banjur bumbon iku diuleg ana ing cowèk nganthi lembut, banjur dicampur irisan utawa parutan woh-wohan utawa sayuran. Rujak ana ing tlatah jawa, biasané diwadhahi pincuk saka godhong gedhang lan dibitingi nganggo sada (balung godhong klapa).

Ing Malaysia lan Singapura ana panganan sing jenengé mèmper rujak ya iku mamak rojak utawa pasembo sing asalé saka India. Panganan mamak rojak iki bahan lan rasané rada béda karo rujak, amarga ana bahan liya kayadéné: tahu, kenthang, taugé, endhog, timun, dadi luwih cedhak karo gadho-gadho.

Rujak Mamak ing Malaysia.

Woh-Wohan kang bisa di gawé rujak antara liya ya iku:

Macem-maceme rujak:

  • Rujak cingur
  • Rujak gobèt
  • Rujak manis
  • Rujak petis
  • Rujak soto kang saka Laladan Banyuwangi Jawa Timur, Rujak arupa campuran rujak cingur lan soto babat.[1]
  • Rujak tahu
  • Rujak dhulét
  • Rujak pecel
  • Rujak crobo

Referensi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Rujak&oldid=1017099"