Combro

Saka Wikipédia Jawa, bauwarna bébas abasa Jawa
Combro
Combro
Panggonan asal Indonésia
Tlatah utawa praja Jawa
Woworan pokok Ketéla pohung
Buku masakan: Combro  Médhia: Combro

Combro iku panganan kang digawé saka tela.[1] Wujudé kaya ondhol-ondhol ning isiné sambel oncom. Jinisé combro ana loro ya iku combro garing, lan combro teles.[2] Bahan-bahan kanggo nggawé combro garing antarané:tela pohung, tempe mondhol (tempe kang durung dadi), parudan klapa, brambang, bawang, kencur, lombok, lan uyah seperlune.[3] Carane gawé kulit combro sepisan tela pohung dionceki, terus dikumbah, diparut. sawisé dadi parutan tela, banjur diperes.[4] Banyune dienebake kanggo njupuk pathi.Banjur dicampur karo parutan klapa.[3] Yèn gawé isiné kabèh bumbu mau iku diuleg nganti lembut dicampuri tempe mondhol nganti rupane kaya sambel tempe.[4] Tela pohung kang wis diparut diiseni sambel tempe, dikepeli nganti wujudé bunder, utawa gepeng.[4] Sawisé dicepakake kabèh, combro iku digoreng nganti warnané malih semu kuning.[4] Combro wis dadi lan bida dipangan kanggo lawuh medang utawa suguhan tamu.[3] Manawa arep gawé combro teles, carane meh padha mung waé tela pohung kang wis diparut ora diperes ning langsung dicampur karo parutan klapa.[3]

Cathetan suku[besut | besut sumber]

  1. ^ Tim Penyusun. 2009. Profil wisata Kabupatèn Purbalingga. Purbalingga: Dinas Kebudayaan Pariwisata Pemuda dan Olah Raga
  2. ^ Tim Penyusun. 2009. Folklore Eks Karesidenan Banyumas: BSJ. UNNES
  3. ^ a b c d Combro Aliran Baru
  4. ^ a b c d Resep Combro