Geplak

Saka Wikipédia Jawa, bauwarna bébas abasa Jawa
Geplak
Gula kelapa Malioboro Yogyakarta.JPG
Geplak
Panggonan asal Indonésia
Buku masakan: Geplak  Médhia: Geplak

Geplak ya iku jajanan khas kutha Bantul sing digawé saka parutan klapa lan gula pasir utawa gula jawa, sing rasané legi [1]. Ana uga sing ngarani geplak iku jajanan khas Betawi yèn ditambahi glepung beras lan godhong jeruk purut. Ana uga geplak sing digawé saka waluh [2]. Industri geplak lumrahé bisa ditemoni ing Bantul, Yogyakarta ya iku minangka indhustri rumah tangga. Nanging saiki geplak bisa ditemoni ing endi-endi. Geplak paling énak dipangan anget-anget. Biyén geplak dadi gantiné sega nalika usum paceklik[3].

Sajarah[besut | besut sumber]

Nalika jaman penjajahan Walanda, Bantul misuwur kanthi akèh pabrik gula lan kebon tebuné[3]. Ana 6 pabrik gula ing Bantul lan akèh kebon tebu. Saka 6 pabrik ana siji sing isih nganti saiki ya iku pabrik Madukismo[3]. Gula tebu sing dikasilaké saka pabrik-pabrik mau dimanfaataké gawé panganan-panganan, salah sawijiné geplak[3]. Saliyané pabrik gula lan kebon tebu, Bantul uga misuwur klapané amarga panggonané sing ana ing pasisir [3].

Kaunggulan[besut | besut sumber]

Kaunggulan geplak ya iku rasané sing super legi, nanging leginé ora sembarang legi, leginé legi gurih klapa[3]. Bahan-bahan kanggo gawé geplak uga gampang digolèki, kaya ta klapa sing ésih enom, glepung beras ketan, godhong pandhan, gula pasir utawa gula jawa, banyu, uyah lan panili[3]. Geplak mung disuguhaké rong warna, ya iku putih klawu lan semu coklat[3]. Nanging saiki geplak bisa tinemu pirang-pirang warna lan rasa, sanajan kaya mangkono bahan-bahan kanggo gawé geplak tetep alami lan ora ngandhut bahan kang bebayani[3]. Rasa geplak sing warna-warna kaya ta kacang, stroberi, jeruk, lan sapituruté saka bahan alami kabéh[3]. Gizi sing ana ing geplak uga akèh[3]. Kadelok saka panalitén pihak Universitas Gajah Mada (UGM), saben-saben 100 gram ngandhut karbohidrat 74 gram, lemak 14 gram, banyu 10 gram, protein 10 gram, lan kalori 2 gram[3].

Rujukan[besut | besut sumber]