Brem

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Brem Madiun


Brem yaiku panganan tradisional kang digawé saka asil fermèntasi ketan. Ana loro jinisé brem, yaiku brem kang padhat akèh ditemoni ing Madiun lan Wonogiri, lan brem kang bentuké cuèr ana ing Bali.

Brem kang bentuké padhat dikenal ana ing dhaérah Madiun lan Wonogiri. Brem kang ana ing Madiun asalé saka Désa Bancong lan Kaliabu, Kecamatan Caruban, Kabupatèn Madiun, Jawa Timur. Brem kang saka Madiun bentuké kothak gèpèng, warnané rada kuning, ukurané rata-rata 15 cm x 5 cm x 0,5 cm. Brem kang asalé saka Wonogiri, Jawa Tengah, bentuké bunder gèpèng, warnané putih, dhiamèteré kira-kira 5 cm lan kandelé kira-kira 0,3 cm. Brem kang bentuké padhat rasané legi, nalika dipangan rasané semriwing lan langsung ajèr. Brem kang bentuké cuèr asalé saka Bali lan Nusa Tenggara, brem kang saka Bali warnané putih kaya susu, minangka kang saka Nusa Tenggara warnane abang.


Sumber artikel punika saking kaca situs web: "http://jv.wikipedia.org/w/index.php?title=Brem&oldid=834026"