Cao

Saka Wikipédia Jawa, bauwarna bébas abasa Jawa
(Dilih saka Cincau)
Cao
Grass jelly es cincau hijau.jpg
Cao kang disajekake ana ing gelas
Panggonan asal Asia Tenggara
Woworan pokok Godhong Cao
Buku masakan: Cao  Médhia: Cao
Cao ireng

Cao utawa Cincau (Hanzi: 仙草, pinyin: xiancao) ya iku gèl kang mèmper ager-ager.[1] Cao digawé saka cem-ceman godhong tanduran cao.[1] Gèl dumadi awit godhong tanduran iku ngandhut karbohidrat kang bisa ngiket molekul-molekul banyu.[1]

Tembung cao asalé saka dialék Hokkian sienchau (Hanzi: 仙草, pinyin: xiancao) kang lumrahé diunékaké wong Tionghoa ing Asia Tenggara.[1] Cao dhéwé ing basa asalé sabenere ya iku jeneng tanduran (Mesona spp.) kang dadi bahan kanggo nggawé gel iki.[1]

Cao paling akèh digunakaké dadi bahan kanggo nggawé ombènan kaya ta ès cao utawa ès campur.[1] Cao uga nduwéni éfék penyejuk lan peluruh.[1]

Carané nggawé[besut | besut sumber]

Cara nggawé cao kang sepisanan ya iku kanthi ngrendhem godhong cao kang wis diremes-remes utawa diajurké.[1] Ana uga kang nggunakaké kanthi cara nggodhog godhong cao dhisik.[1] Sawisé iku banjur diwénéhi soda kué.[1] Soda kué iki gunané kanggo ngawétaké.[1] Werna cao akèh macemé, ana kang nduwéni warna ijo kenthel, ireng transparan.[1] Konsistensiné uga warna-warna.[1] Werna lan konsistensi iki béda-béda awit tanduran kang dianggo nggawé uga béda-béda.[1]

Tanduran kang ngasilaké cao[besut | besut sumber]

Tanduran kang ngasilaké cao ya iku:

"Woh" botani dudu woh ananging syconia Ficus pumila (fikus rambat) ing Tiongkok uga digunakaké dadi bahan jinis cao liyané kang diarani "pai-liang-fen"[2] Woh iki didol dadi grass jelly kaya cao utawa ai-yu jelly.[2]

Cao ijo[besut | besut sumber]

Tanduran cao ijo (C. barbata Myers.) mrambat, godhongé nduwéni warna ijo pucet lan ana rambuté ing dhuwur godhong.[3] Saliyané ngasilaké cao, ékstrak tanduran iki uga ngandhut zat anti-protozoa, tetrandine, ya iku alkaloid, mliginé marang jalaran malaria Plasmodium falciparum.[3]

Cathetan suku[besut | besut sumber]

  1. ^ a b c d e f g h i j k l m n o p q iptek.net.id(dipunundhuh tanggal 28 Juni 2011)
  2. ^ a b waynesword.palomar.edu(dipunundhuh tanggal 28 Juni 2011)
  3. ^ a b unibas.ch(dipunundhuh tanggal 28 Juni 2011)