Kupat

Saka Wikipédia Jawa, bauwarna bébas abasa Jawa
Kupat
Kupat
Kupat
Informasi
Asal Indonésia
Dhaérah Jawa
Penyajian lan bahan
Bahan beras

Kupat utawa ketupat iku panganan kas Asia Kidul-Wétan mawa bahan dhasar beras sing dibungkus nganggo slongsong saka nam-naman godhong klapa (janur). Kupat paling akèh tinemu nalika dina riyaya, ya iku nalika umat Islam rampung pasa ing sasi Ramadhan.

Panganan kas sing migunakaké kupat antarané: kupat tahu (Grabag, Kabupatèn Magelang), lan kupat glabet (Kutha Tegal). Kupat uga kerep disuguhaké nganggo saté utawa opor. Saliyané ing Indonésia, panganan kupat uga tinemu ing Malaysia, Brunei lan Singapura.

Ana rong jinis wangun kupat ya iku kepel (luwih umum) lan jajaran genjang. Saben wangun duwé alur nam-naman sing béda. Kanggo gawé selongsong kupat perlu dipilih janur sing kualitasé apik, ya iku sing dawa, ora kanomen lan ora ketuwan.

Panggunan liya[besut | besut sumber]

Ing sawetara kalangan ing Jawa, kupat kerep digantung ing sandhuwuring lawang omah minangka jimat. Masarakat ing laladan mau isih ngugemi tradhisi supaya ora gawé kupat ing dina-dina biyasa, saéngga kupat amung disuguhaké wektu ariaya lan nganti sepasar sawisé iku. Déné ing Bali, kupat kerep diaturaké minangka sesajèn upacara.

Uga delengen[besut | besut sumber]