Mi celor

Saka Wikipédia Jawa, bauwarna mardika basa Jawa
(Kaelih saka Mie Celor)
Mi Celor saka Palembang

Mi Celor yaiku panganan khas saka Palembang lan Jambi.[1][2] Tembung mi celor dijupuk saka basa Palembang kang tegesé mi kang dijarangi (basa Indonésia:diseduh).[1][2] Cara masakke mi mung dijarangi, ora digodhog supaya mi tetep kenyal lan ora benyek.[1]

Mi celor uga nganggo duduh kang digawé saka kaldu urang lan iwak kang diwenehi bumbu bawang, santen, lan gandum.[1][3] Duduh mau dikenthelake nganggo kanji supaya bisa nyemek-nyemek.[3] Duduh mi celor warnane oranye semu abang.[2][3] Kanggo njangkepi mi celor yaiku rajangan wortel, tauge, lan endhog bèbèk kang digodhog lan diiris separo.[1]

Mi Celor Jambi[besut | besut sumber]

Mi celor ing Jambi bisa ditemoni ing kawasan panganan ing jalan Sultan Agung Jambi.[2]. Mi celor kang dikenal déning para plancong iki pancen rada unik. Duduh santen mi Celor Jambi wernane semu abang lan rada kenthel padha karo duduh sate Padang nalika disuguhake. Sing mbedakake manèh yaiku urang galah kang dianggo ngganepi suguhan mi celor iki dijupuk langsung saka kali Batang Hari Jambi.[2] Mi celor padatan dipangan karo krupuk iwak patin utawa urang.[2]

Cathetan suku[besut | besut sumber]

  1. a b c d e Mi Celor Palembang Archived 2011-09-03 at the Wayback Machine.(12 Agustus 2011)
  2. a b c d e f Kuliner Khas Jambi, Mie Celor Jambi Archived 2010-11-30 at the Wayback Machine. (12 Agustus 2011)
  3. a b c Nyam... Nyam Gurih Wangi Mi Celor (12 Agustus 2011)