Sega gurih

Saka Wikipédia Jawa, bauwarna bébas abasa Jawa
(Dilih saka Sega uduk)
Jump to navigation Jump to search
Sega uduk lan emping

Sega gurih utawa sega wuduk iku sega sing rasané gurih, amarga dimasak nganggo santen klapa.

Cara gawé[besut | besut sumber]

Beras biyasa dipupusi nganti resik banjur didang ing dandang. Sawisé setengah mateng dientas diaruni nganggo santen klapa sing kenthel, diaruni iku dicampur nganggo santen nganti rata, diwènèhi uyah sacukupé. Banjur didang manèh ing dandang diwènèhi godhong pandan wangi supaya mambu wangi lan gurih.

Sawisé mateng sega uduk iku racaké dipangan nganggo lawuh pitik gorèng, kering témpé, prekedèl kenthang lan sambel gorèng ati.