Sega uduk

Saka Wikipédia Jawa, bauwarna bébas abasa Jawa
Sega uduk lan emping

Sega uduk' iku sega sing rasané gurih, amarga dimasak nganggo santen klapa.

Cara gawé sega uduk. Beras biyasa dipupusi nganti resik banjur didang ing dandang. Sawisé setengah mateng dientas diaruni nganggo santen klapa sing kenthel, diaruni iku dicampur nganggo santen nganti rata, diwènèhi uyah sacukupé. Banjur didang manèh ing dandang diwènèhi godhong pandan wangi supaya mambu wangi lan gurih.

Sawisé mateng sega uduk iku racaké dipangan nganggo lawuh pitik gorèng, kering témpé, prekedèl kenthang lan sambel gorèng ati.