Oncom

Saka Wikipédia Jawa, bauwarna bébas abasa Jawa
Jump to navigation Jump to search
Kapang oncom Neurospora sitophila.

Oncom ya iku makanan kang asalé saka Indonésia kang populèr ing Jawa Barat.[1] Panganan iki ya iku asil fermentasi kang dilakoaké déning kapang carané arep padha kaya nggawé témpé.[1] Bédané ya iku oncom bisa diarani siyap didol sawisé kapang ngasilaké spora, nanging yèn témpé bisa didol sadurungé ngasilaké spora (lagi prosès hifa).[1] Oncom jinisé ana 2, ya iku oncom abang lan oncom ireng.[1] Oncom abang didegradasi déning kapang oncom Neurospora sitophila utawa N. intermedia.[1] Oncom ireng didegradasi déning kapang témpé Rhizopus oligosporus utawa Mucor.[1] Oncom abang lumrahé digawé saka bungkil tahu, ya iku kedelé kang dijupuk protéin nalika gawé tahu, yèn oncom ireng lumrahé digawé saka bungkil kacang lemah kadangkala dicampur ampas (onggok) singkong utawa tepung singkong (tapioka), supaya duwé tekstur kang luwih apik lan luwih empuk.[1] Bungkil kacang lemah ya iku ampas kang asalé saka kacang lemah kang dijupuk lengané kanthi cara diperes utawa prosès ekstraksi.[1] Kapang oncom ngétokaké enzim amilase, lipase lan protease kang aktif nalika prosès fermentasi lan wigati banget nalika prosès penguraian pati dadi gula, penguraian bahan-bahan sèl kacang, penguraian lemak, sarta alkohol lan ester kang ndadèkaké ambuné sedep lan wangi.[2] Oncom duwé kandhutan gizi kang apik lan apik kanggo nambah gizi amarga regané kang murah.[2] Kandungan karbohidrat lan protéin bisa dicerna lumayan dhuwur oncom saka bungkil kacang lemah.[2] Saliyané iku, populasi kapang bisa nambah produksi aflatoksin saka Aspergillus flavus kang wis gawé rusuh substrat (bungkil).[2] Hal kang perlu diperhatekake supaya masarakat seneng konsumsi oncom ya iku wujudé, dhapuré, sarta warnané kudu menarik.[2]

Cara Ngolah oncom[besut | besut sumber]

Oncom racaké ora langsung dipangan mentah.[1] Cara ngolah oncom kang paling populer ya iku digorèng garing kaya tempe.[1] Oncom uga bisa kanggo campuran sambel kang diarani sambel oncom.[1] Sambel oncom racaké dinggo kanggo isi comro panganan khas Pasundan.[1] Saliyané iku Oncom uga bisa kanggo bahan campuran laksa lan panganan liyané.[1]

Cathetan suku[besut | besut sumber]

  1. ^ a b c d e f g h i j k l m MARI MENGENAL ONCOM (Dipuntingali tanggal 10 Juni 2011)
  2. ^ a b c d e Oncom, Menutup Kekurangan Energi dan Protein (Dipuntingali tanggal 10 Juni 2011)