Gula

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kristal gula

Gula (ngoko) utawa Gendhis (krama) iku ing basa Latin diarani sacharose / sucrose. [1]Gula iku sawijining bahan sing dienggo nggawé legi utawa ngawètaké panganan. [1] Gula iku biasané ana telung warna:[1]

  1. gula Jawa
  2. gula bit
  3. gula tebu

Sacharose.png

Gula Rafinasi[sunting | sunting sumber]

Gula rafinasi iki mèh padha kaya gula pethak ananging mbebayani tumprap kaséhatan.[2] Gula rafinasi iki regané luwih murah tinimbang gula pethak biyasa.[2] Gula rafinansi iki ora layak dikonsumsi.[2] Supaya bisa dikonsumsi, gula rafinasi kudu diolah manéh amarga gula iki rupané rada coklat lan ana uga kang rupané ireng, lan gulané alus banget.[2] Yén gula iki langsung dicampur ing tèh utawa kopi bisa ngganggu kaséhatan amarga gula iki maragaké kanker.[2] Gula rafinansi iki biyasané gula kang diimpor saka manca negara.[2]

Gula Bit[sunting | sunting sumber]

Gula bit bisa dikembangaké ing Indonésia, awit negara Indonésia kalebu negara tropis.[3] Umur tanduran saka gula bit nganti panén kurang luwih 4,5 nganti 11 sasi.[3] Tanduran gula bit ora mbutuhaké akéh banyu. [3]Tanduran iki luwih ngirit banyu kira-kira 30 persén tinimbang tanduran tebu.[3] Tanduran gula bit bisa urip ing werna-werna jinis lemah, malah bisa uga urip ing lemah kang kandungan uyah tanahé akèh banget.[3] PH kang cocok kanggo urip tanduran bit rata-rata pH > 5,5.[3]

Bit (Beta vulgaris)kalebu famili Chenopodiaceae.[4] Varietas tanduran iki kang paling dikenal yaiku beetroot utawa garden beet kang rupané abang utawa ungu.[4] Varietas saka budidaya bit liyané yaiku sayuran kang arupa godhong kang diarani chard lan spinach beet. [4]Saliyané iku ana sayuran kang ana oyoté kang diarani gula bit.[4]

Tanduran bit wernané abang rada wungu.[4] Tanduran bit ngandhut serat kang akéh lan uga ngandhut zat besi.[4] Kanggoné para vegetarian utawa vegan bisa ngonsumsi bit supaya ora kurang zat besine.[4] Zat besi umumé ditemokaké ing daging kang seger.[4]

Amarga kandungan bit ngandhut serat kang akéh ing oyot lan godhongé, bangsa Romawi Kumo nggunakaké dadi obat sembelit.[4] Bit uga bisa dadi pewarna abang kang alami.[4] Pewarna saka bit bisa kanggo nggawé kue pepe utawa lapis sagu.[4]Nalika sepisanan nggawé Red Velvet Cake dadi simbol kue Amérika bagéyan Selatan isih nggunakaké jus bit dudu pewarna abang gawéyan.[4] Gula iku olèhé ana kudu karo prosès kimia.[4] Gula bit kang dikasilaké wernané putih.[5] Gula iki bisa digunakaké ing kluwarga utawa ing pabrik utawa industri kanggo nggawé ombénan.[5]Kaya gula kang isih mentah, gula kang isih ngandhut jus diolah lan nduwéni produk samping kang diarani molase bit.[5]' 'Molase bit bisa dadi pakan ternak lan dikirim ing pabrik fermentasi tanduran kayata pabrik penyulingan alkohol.[5]

Gula Jawa[sunting | sunting sumber]

Artikel utama: Gula Jawa

Gula jawa uga diarani gula [abang]] utawa gula arén.[6] Gula jawa iki cara nggawéné luwih alami saéngga zat-zat kang ana ing gula iki ora nganggu kaséhatan apa manéh ngrusak awak.[6] Gula jawa uga ora mbutuhaké prosés penyulingan kang bola-bali lan ora nggunakaké tambahan bahan kimia kanggo gawé murni.[6] Gula jawa nduwéni nilai indèks glikemik luwih rendah saéngga ora nggawé gula darah mundhak. [6]Kanthi alasan iku mau, gula jawa uga kena digunakaké wong kang lara diabétes amarga nutrisi kang ana ing gula iki luwih akéh.[6]

Saliyané kandungan gula kang luwih sithik, gula iki uga ngandhut senyawa- senyawa liyané kang akéh manfaaté kayata thiamine,riboflavin, asam askorbat, protein lan uga vitamin C.[6]

Gula Tebu[sunting | sunting sumber]

Gula tebu uga diarani gula pasir. [7]Diarani gula tebu amarga bahané digawé saka tebu.[7] Diarani gula pasir amarga bentuké butiran cilik-cilik mirip pasir.[7] Gula tebu bisa kanggo campuran yèn nggawé wédang tèh utawa wédang kopi. [8]Saliyané iku gula tebu uga bisa kanggo masak lan nggawé sirup.[8]

Galeri[sunting | sunting sumber]

Cathetan suku[sunting | sunting sumber]

  1. ^ a b c (id)regional.kompas.com(dipunundhuh tanggal 4 Mei 2011)
  2. ^ a b c d e f (id)www.tempointeraktif.com(dipunundhuh tanggal 4 Mei 2011)
  3. ^ a b c d e f (id)http://ditjenbun.deptan.go.id(dipunundhuh tanggal 4 Mei 2011)
  4. ^ a b c d e f g h i j k l m (id)www.food-info.net(dipunundhuh tanggal 4 Mei 2011)
  5. ^ a b c d (id)http://goorme.com(dipunundhuh tanggal 4 Mei 2011)
  6. ^ a b c d e f (id)http://health.detik.com(dipununundhuh tanggal 4 Mei 2011)
  7. ^ a b c {{id}http://www.tropicanaslim.com(dipunundhuh tanggal 4 Mei 2011)
  8. ^ a b (id)http://www.antaranews.com(dipunundhuh tanggal 4 Mei 2011)
Sumber artikel punika saking kaca situs web: "http://jv.wikipedia.org/w/index.php?title=Gula&oldid=804231"