Tropika

Saka Wikipédia Jawa, bauwarna bébas abasa Jawa
(Dilih saka Tropis)
Swasana rina ing laladan tropis. Ayang-ayang pas ana ing sangisoré bandha sing disunari srengéngé.

Tropika iku laladan ing lumahing Bumi, sing kanthi géografis ana ing kiwa-tengené ekuator, ya iku sing diwatesi déning rong garis lintang 23.5 drajat LS lan 23.5 drajat LU: Garis Walik Lor (GBU, Tropic of Cancer) ing lor lan Garis Walik Kidul (GBS, Tropic of Capricorn) ing kidul. Tropis iku wangun ajektivé.

Area iki ana ing antarané 23.5° LU lan 23.5° LS, lan nyakup kabèh pérangan Bumi sing sajeroning setaun ngalami kaping pindho nalika srengéngé pas ana sandhuwuré sirah (ing lor GBU lan ing kidul GBS srengéngé ora tau tekan kahuwuran 90° utawa pas ing sandhuwuré sirah). Tembung tropika asalé saka basa Yunani, tropos sing tegesé "mubeng", amarga posisi srengéngé sing owah antara rong garis walik sajeroning kalamangsa sing diarani taun.

Tetanduran lan kéwan tropis iku spésies sing urip ing laladan tropis mau. Istilah tropis uga sok dipigunakaké kanggo nyebut papan sing anget lan lembab sepanjang taun, sanadyan papan iku ora mapan ing antarané rong garis walik. Tetanduran laladan tropis biyasané godhongé amba lan ijo langgeng (ora ngrontogaké godhong), utawa yèn duwé prilaku pangluruh, tetanduran iki ora diprabawai déning suhu utawa durasi radhiasi srengéngé nanging déning sumadyaning banyu ing lemah. Wewengkon tropis ing saindhenging donya ditepungi sajeroning biogeografi minangka wewengkon pantropis ("saindhenging tropis"), kanggo dipertentangaké karo wewengkon per bawana, kaya ta Amérika tropis, utawa Asia tropis.

Conto kutha tropis[besut | besut sumber]

Pirsanana uga[besut | besut sumber]