Tropika

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Swasana rina ing dhaérah tropis. Ayang-ayang pas ana ing sangisoré benda sing disunari srengéngé.

Tropika iku dhaérah ing lumahing Bumi, sing sacara geografis ana ing sekitar ekuator, yaiku sing diwatesi déning rong garis lintang 23.5 derajat LS lan 23.5 derajat LU: Garis Walik Lor (GBU, Tropic of Cancer) ing lor lan Garis Walik Kidul (GBS, Tropic of Capricorn) ing kidul. Tropis iku wangun ajektivé.

Area iki ana ing antarané 23.5° LU lan 23.5° LS, lan nyakup kabèh bagéyan Bumi sing jroning setaun ngalami kaping pindho nalika srengéngé pas ana sandhuwuré sirah (ing lor GBU lan ing kidul GBS srengéngé ora tau tekan kahuwuran 90° utawa pas ing sandhuwuré sirah). Tembung tropika asalé saka basa Yunani, tropos sing tegesé "mubeng", amarga posisi srengéngé sing owah antara rong garis walik jroning periode sing diarani taun.

Tetanduran lan kéwan tropis iku spesies sing urip ing dhaérah tropis mau. Istilah tropis uga sok dipigunakaké kanggo nyebut papan sing anget lan lembab sepanjang taun, senadyan papan iku ora mapan ing antarané rong garis walik. Tetanduran dhaérah tropis biasané godhongé amba lan ijo langgeng (ora ngrontogaké godhong), utawa yèn duwé prilaku pangluruh, tetanduran iki ora dipangaruhi déning suhu utawa durasi radhiasi srengéngé nanging déning sumadyaning banyu ing lemah. Wilayah tropis ing saindhenging donya ditepungi jroning biogeografi minangka wilayah pantropis ("saindhenging tropis"), kanggo dipertentangaké karo wilayah per bawana, kayata Amérika tropis, utawa Asia tropis.

Conto kutha tropis[sunting | sunting sumber]

Pirsanana uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tropika&oldid=816746"