Sirup

Saka Wikipédia Jawa, bauwarna mardika basa Jawa
Sirup

Sirup (saka basa Arab شراب sharab, ombènan) ya iku cuwèran kang kenthel lan duwé kadhar gula kalarut kang dhuwur, nanging ora duwé endhepan kristal.[1] Viskositas (kakenthelan) sirup disebabaké amarga akèhé ikatan hidrogen saka gugus hidroksil (OH) ing molekul gula kang larut ing molekul banyu.[1] Miturut tèknik utawa ing èlmiah, istilah sirup uga kerep minangka nyebutaké cuwèran kenthel, lumrahé résidhu, kang ngandhut dat saliyané gula.[1]

Kanggo ngundhakaké kadhar gula kang larut, lumrahé sirup dipanasaké.[2] Larutan sirup dadi super-jenuh.[2]

Sirup uga kerep minangka usada, kulinèr lan ombènan.[2] Sirup lumrahé digawé saka gula lan banyu.[3] Sirup ngandhut gula kurang luwih 50%-80%.[3]

Sirup wujudé kenthel.[3] Nalika ngombé sirup kudu dicampur karo banyu.[3] Sirup lumrahé diombé karo ès watu, nanging sirup uga kena diombé karo banyu anget.[3] Sirup digawé kanthi manéka rasa. Lumrahé rasa woh-wohan kaya ta jeruk, stroberi, klapa, pandhan, apel, bléwah, kiwi, térong landa, dlima, arbey.[3] Kajaba iku sirup uga ana kang digawé saka campuran rasa woh-wohan mau kaya ta jeruk karo bléwah, klapa-pandhan.[3]

Sirup lumrahé diwadhahi gendul lan didol ing toko-toko.[3] Ana uga obat sirup, obat iki banjur digawé sirup dhéwé kanthi digodhog karo gula lan banyu.[3] Sirup kang didol lumrahé duwé mèrek.[3] Mèrek-mèrek sirup ing Indonésia kaya ta Sirup ABC, Sirup Marjan, Indofood lan liya-liyané.[3] Kajaba iku sirup uga ana kang wis diwadhahi ing gelas-gelas lan didol kanthi di press tutupé.[3]

Cathetan sikil[besut | besut sumber]

  1. a b c artikata.com(diundhuh tanggal 28 Juni 2011)
  2. a b c ciputraentrepreneurship.com Archived 2012-03-10 at the Wayback Machine.(diundhuh tanggal 28 Juni 2011)
  3. a b c d e f g h i j k l food-info.net(diundhuh tanggal 28 Juni 2011)