Gethuk

Saka Wikipédia Jawa, bauwarna bébas abasa Jawa
Gethuk
Getuk Magelang.JPG
Gethuk Magelang
Informasi
Asal Indonésia
Dhaérah Jawa
Penyajian lan bahan
Bahan ketéla pohung

Gethuk iku panganan jajanan (kudhapan) sing mliginé digawé saka ketéla pohung (singkong). Gethuk iku panganan sing gampang ditemoni ing Jawa Tengah lan Jawa Wétan.

Gethuk ana kang digawé saka téla.[1] Rasané uga bisa werna-werna.[1] Ana sing rasa kèju, coklat, vanila, stroberi.[1] Saliyané iki ana uga gethuk lapis, tegesé gethuk kang rasané werna-werna lan didadèkaké siji.[1] Umpamané gethuk lapis rasa coklat, vanila lan strobèri.[1] Téla kang dipilih kuduné téla kang mempur lan ora njarot, ora ketuwan lan ora bongkrèken.[1]

Gethuk racaké disajèkaké kanggo cemilan karo ngombé tèh. Salah sijining variasi gethuk iku carané karo digorèng. Uga ana kang luwih seneng mangan gethuk kang dienggo pacitan manawa lagi ana tamu.

Gethuk lan gemblong[besut | besut sumber]

Bédané gemblong karo gethuk ya iku, gemblong iku panganan saka pohung, lan gethuk saka téla. ananging ana ing daerah Jepara gemblong iku panganan sing asalé saka ketan utawa diarani Jadah Carané gawé iya améh padha, sing bedakake ya iku

  • Gemblong dadak gawa gula jawa utawa gula pasir, jalaran pohung iku rasané durung legi. Ananging yèn ora diwènèhi gula iya wis enak rasane gurih malahan ananging kudu diakehi klapane.
  • Gethuk ora usah ditambahi gula jalaran tela iku rasané wis legi, ananging tetep kudu didokoki krambil. Gethuk iki yèn wis dadi uga bisa digoréng lan diarani Kleyem.

Uga delengen[besut | besut sumber]

Cathetan suku[besut | besut sumber]

  1. ^ a b c d e f http://www.getuksingkong.com(dipunundhuh tanggal 6 Mèi 2011)