Kèju

Saka Wikipédia Jawa, bauwarna bébas abasa Jawa
Kéju tipe Gouda saking nagari Walandi.

Kèju saking basa Portugis: queijo punika panganan ingkang kadamel saking susu.[1] Wondéné susu ingkang kanggé asringipun inggih susu sapi. Sabèntenipun saged ugi nganggé susu méndha, keledhe, kapal kaliyan unta.[2]

Kèju anggènipun ndamel saking susu, dipunicali kandhutan toyanipun kaliyan dipunsukani obat supados saged fermentasi saha boten bosok.[2] Kèju nggadahi sadaya kadungan wonten susu inggih kados ta :protein, vitamin, mineral, kalsium, vitamin B12, zink, lan fosfor nanging uga lemak lan kolesterol ingkang saged damel penyebab masalah keséhatan saumpami dipunkonsumsi kekathahen.[3] Pakanan iki dikenal ing sakupenging dunya, nanging keju dugaane asalé saka Timur Tengah.[1] Senajan ora ana kapesthen saka ngendi keju kui, nanging miturut legenda keju tinemu sepisanan pangembara saka arab.[2]

Sejarah[besut | besut sumber]

Asal-usul[besut | besut sumber]

Keju wis digawé awit jaman prasejarah senajan ora ana bukti trep kapan keju pertama digawé[4]. Masyarakat prasejarah mulai ninggal gaya hidup nomaden lan malih dadi peternak wedhus, domba utawa sapi[4]. Amarga kurang karesikan lan asring kena sinar srengéngé langsung mulane susu sing ing bejana dadi kenthel, jebul bareng dipangan rasané enak[4]. Kawiwitan saka iku manungsa nemu keju krim asam (sour cream cheese)[4]. Salah sawijining legenda nyaritakake yèn ana pemburu sing mateni sapi, banjur mbukak wetenge lan nemu sapérangan warna putih sing enak[4]. Anane enzim rennet ing jero weteng sapi nyebabaké susu dadi kenthel, saéngga dadi apa sing kasebut keju saiki[4]. Carita liyané nyebutake yèn keju iku asalé saka Timur Tengah déning pengembara saka arab[4]. Pengembara iku numpak jaran lan gawa susu ing pelanane[4]. Sawetara suwé susu iku wis malih dadi banyusing pucet lan gumpalan-gumpalan putih[4]. Amarga pelana sing kanggo nyimpen susu digawé saka weteng kéwan (sapi, domba,lan wedhus) sing ngandung rennet, dadi campuran saka rennet, cuaca sing panas lan obah-obahing jaran nalika mlaku bisa ngubah susu dadi keju lan saka iku wong-wong mulai migunakaké enzim saka weteng kéwan kanggo gawé keju[4].

Yunani lan Romawi kuna[besut | besut sumber]

Mitologi Yunani Kuno nyebutake yèn Aristaeus iku panemu keju[5].Odyssey tulisan Homer (800 SM) nyebatake yèn Cyclops gawé keju saka susu domba lan wedhus[5] . Keju saka susu wedhus iku komoditas sing cukup wigati ing Yunani, lan masarakat Yunani percaya yèn keju bisa nggawé perwira luwih kuwat lan bisa ngrangsang nepsu birahi[5] . Hippocrates migunakaké keju gawé nambani radang lan keju uga digawé sesaji kanggo déwa-déwa[5] . Kebudayaan Romawi iku sing banjur ndadekake keju akèh jinise kaya saiki[6]. Bangsa Romawi iku kikenal bangsa sepisanan kang mangerteni bab proses gawé lan nyimpene keju, bangsa Romawi mangerteni akibat tèhnik gawé kang béda iku nyebabaké rasa lan karakter keju uga dadi béda [6]. Bangsa Romawi nggawa keju lan seni gawéne nalika ngalahake Gaul, bangsa Perancis lan Inggris, sing banjur disambut apik[6].

Cathetan suku[besut | besut sumber]

  1. ^ a b Asal Mula Keju
  2. ^ a b c Halalguide.info
  3. ^ Ryan, Nancy Ross (2007). Cheese. Microsoft ® Student 2008 [DVD]. Redmond, WA: Microsoft Corporation. 
  4. ^ a b c d e f g h i j www.koleksiweb.com
  5. ^ a b c d Iburg, Anne (2004). Dumont's Lexicon of Cheese. Rebo International b.v., Lisse, The Netherlands. ISBN 978-90-366-1689-8. 
  6. ^ a b c cheesehut.tripod.com

Pranala njaba[besut | besut sumber]