Jadah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Jadah iku panganan tradhisional Jawa Tengah. Jadah panganan kang digawé saka beras ketan. Panganan iki racaké digunakaké kanggo nyamikan nalika ana khajat pangantènan, sunat utawa khitanan, Sedekah Bumi. Paling énak jadah dipangan bareng karo tèh utawa kopi anget ing wayah ésuk utawa soré sinambi maca koran. Nanging jadah iku paling cocog dipangan karo témpé bacem kang wis digorèng. Ing adicara mantu, jadah didadèkaké salah sijining panganan kang digawa utawa panganan sing wigati, amarga jadah iku nduwèni pralambang yèn kulawarga lan calon pangantèn bisa rumaket dadi siji, kaya déné ketan kang dhéwé-dhéwé banjur dadi jadah.

Kanggo variasi rasa, jadah bisa uga digorèng utawa dibakar. Jadah bakar akèh ditemoni ing laladan Kaliurang, Yogyakarta.

Cara panggawéné[besut | besut sumber]

  1. Sadurungé beras dimasak kudu dikum ing banyu udakara 1-3 jam.
  2. Beras ketan dimasak nganti mateng
  3. Banjur dielèr, didheploki nganti lembut nganggo alu
  4. Yèn wis lembut, jadah wis bisa dipangan, bisa dicampuri parutan klapa.

Uga delengen[besut | besut sumber]