Ès tèlèr
 Ès tèlèr ing mangkok | |
| Jinis | Es |
|---|---|
| Ajangan | Ombènan |
| Panggonan asal | Indonésia |
| Tlatah utawa praja | Jawa |
| Hawa ajangan | Anyep |
| Woworan pokok | Es, woh, sirup, susu |
| Variasi | Werna lan isèn |
 Buku masakan: Ès tèlèr  Médhia: Ès tèlèr | |
Ès tèlèr ya iku ombènan ès kang isiné alpukat, degan, nangka, lan santen cuwèr sarta ditambah susu lan sirup.[1] Es kang dianggo bisa wujud ès serut utawa ès batu.[1]
Kajaba iku isiné ès tèlèr uga bisa cincau, kolang-kaling lan pacar cina, apel, kates, sawo, melon, roti lan ager-ager, saéngga es teler angèl dibédakaké karo es campur.[2]
Sajarah
[besut | besut sumber]Es tèlèr diciptakaké déning Tukiman Darwowijono, bakul ès campur nganggo grobag ing Jl. Semarang Jakarta Pusat taun 1980.[3] Es campur gaweane Tukiman iki énak banget nganti bocah-bocah nom kang ngombé ngaku saking énaké kaya-kaya mendem "teler" amarga nganggo narkoba.[3] Es degan campur alpukat kang didol Tikiman ing Jl. Semarang banjur diarani "Es Teler".[3]
Es teler saya misuwur amarga omong-omongan wong kang tau ngrasakake lan amarga dibritakake ing medhia masa.[3] Wong kang nuku teka nganggo mobil ndadèkaké antrian parkir mobil kang dirasakake wong asli Jl. Semarang dadi penganggu ketenangan.[3] Es teler Tukiman kudu pindah menyang Jl. Pegangsaan Barat lan banjur lumebu ing kompleh biyoskup Megaria.[3] Warung es teler Tukiman ing biyoskup Megaria saiki jenenge warung ayam bakar lan es teler Sari Mulia Asli.[3]
Resep Es Teler
[besut | besut sumber]Bahan:
- Alpukad, dikeruk daginge[1]
- Nangka, diiris tipis[1]
- Degan, keruk daginge[1]
- Kolang-kaling, iris tipis[1]
- Sirup Gula[1]
- Es Serut[1]
- Susu Kental Manis[1]
Carane nggawe:
- Degan, alpukad, nangka, lan kolang-kaling ditata ing gelas. Disoki sirup gula lan di kucuri susu kental manis.[1]
- Disugatake bareng es serut ing dhuwure.[1]