Ès

Saka Wikipédia Jawa, bauwarna bébas abasa Jawa
Disambig variants icon.svg
Es

Ès ya iku banyu kang mbeku.[1] Pambekuan iki amarga dianyeske ing suhu sakngisoré 0 °C (273.15 K, 32 °F) ing tekanan atmosfer standar.[1] Es bisa dadi ing suhu luwih dhuwur karo tekanan kang luwih dhuwur uga, lan banyu tetep dadi cuwèran utawa gas tekan suhu -30 °C ing tekanan kang luwih endhek.[1] Tembung "ès" dijupuk saka basa Walanda ijs amarga ing Indonésia ora tinemu es alami.[1] Ing Malaysia "es" dijenengake "air batu" saliyané ais.[1] Ès ana ing alam awujud kepingan salju , udan ès , ès , gletser , lan kabèh polar ice caps.Saliyané iku, ès duwé aplikasi saka budaya-budaya, saka ès kanggo ngademke ombèn lan seni patung ès.

Karakteristik[besut | besut sumber]

Ès iku kristal anorganik alami kang solid lan teratur, ès dianggep mineral. Nduwéni kristal kang tumata saka oksigen atom kovalen siji kang kaiket ing atom hidrogen loro.

Formasi[besut | besut sumber]

Ès kang tinemu ing laut dhapuré ès segara, ès pak utawa gunung ès. Ès iku komponèn wigati ing iklim global, mligi sehubungan karo siklus banyu. Gletser lan snowpacks ya iku mekanisme panyimpenan wigati kanggo banyu tawar, kang saya suwé bisa dadi banyu. Aufeis ya iku lapisan ès kang kadhapur ing kutub lor lan lembah kali subartic. Ès uga bisa mirib stalaktit saka tampilané utawa kaya staklagmit kaya wujud tetesan banyu.

Snowflakes[besut | besut sumber]

Salju kristal kadhapur nalika ana tetesan awan kang anyes banget(sakiwa-tengené 10 pM diameter) beku. Tetesan iki bisa tetep cair ing temperatur kang luwih endhek saka -18 °C (0 °F), amarga kanggo dibekukake.[2]

Produksi[besut | besut sumber]

Ès saiki akèh diprodhuksi, nanging sadurungé ana kulkas ès dipanen ing panggonan kang ana ès alaminé.

Ès panen[besut | besut sumber]

Ès wis suwé dicap dadi piranti kanggo ngademaké. Tekan saiki, ing gedung Parlemen Hongaria digunakaké ès panen saka tlaga Balaton kanggo ngademake ruangan. Icehouses minangka nyimpen ès ing mangsa dingin,lan kanggo gawé ès setaun, lan awal kulkas iku dijenengi icsboxes amarga ing njerone ana balok es.

Wujud ès kang alami ing tengah segara

Produksi ès komersial[besut | besut sumber]

Ès saiki diprodhuksi ing skala indhustri, kanggo kaperlon nyimpen panganan lan pangolahan panganan, indhustri kimia, penyampuran beton lan perawatan, lan ès kemasan. Produsen lumrahé mroduksi telung jinis ès fragmentaris: serpihan, tabung lan piring. Ès uga diprodhuksi kanggo panganan kaya ta ès krim, ès buah, ès pisang ijo, ès lilin lan sapiturute.

Cathetan suku[besut | besut sumber]