Nangka

Saka Wikipédia Jawa, bauwarna bébas abasa Jawa
Nangka
Artocarpus heterophyllus fruits at tree.jpg
Buah nangka
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Rosales
Famili: Moraceae
Génus: Artocarpus
Spésies: A. heterophyllus
Jeneng binomial
Artocarpus heterophyllus
Lamk.

Nangka iku jinisé wit saha wohé. Wit nangka kalebu suku Moraceae; jeneng èlmiahé ya iku Artocarpus heterophyllus. Sajeroning basa Inggris, nangka kondhang minangka jackfruit.

Katrangan[besut | besut sumber]

Wit nangka umumé nduwèni ukuran sedheng, nganti watara 20 m dhuwuré, senadyan ana sing nganti 30 m. Wité bunder silindris, nganti watara 1 m garis tengahé. Tajuk wit nangka padhet lan ketel, bunder lan amba yèn uripé ing panggonan sing kabuka. Kabèh pérangan tuwuhan iki ngetokaké dhadhak putih kenthel yèn dikeret.

Godhong tunggal, nyebar, mawa gagang 1–4 cm, lembaré godhong rada kandel kaya kulit, kaku, pinggiré rata, lonjong kuwalik nganti jorong (dawa), 3,5-12 × 5–25 cm, kanthi pangkal nyiut mbaka sethithik, lan pucuké mèh lancip utawa rada lancip. Godhong mligi bunder endhog lancip, dawa nganti 8 cm, gampang rogol lan ninggal tilas kaya ali-ali.

Asal-usul lan sumebaré[besut | besut sumber]

Nangka dipitayani asalé saka India, ya iku wewengkon Ghats pérangan kulon, jinis-jinis liaré isih tuwuh ing alas udan (hutan hujan) ing tlatah iki. Saiki nangka wis nyebar ing laladan-laladan tropis, mligi ing Asia Kidul-wétan.

Uga delengen[besut | besut sumber]

Wacan[besut | besut sumber]

  • Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.

Pranala njaba[besut | besut sumber]

Deleng Uga Woh-wohan