Semangka

Saka Wikipédia Jawa, bauwarna bébas abasa Jawa
Semangka
Citrullus lanatus5SHSU.jpg
Wit lan woh semangka
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Violales
Famili: Cucurbitaceae
Génus: Citrullus
Spésies: C. lanatus
Jeneng binomial
Citrullus lanatus
Thunb.) Matsum. & Nakai

Semangka (Citrullus lanatus, suku timun-timunan utawa Cucurbitaceae) iku tanduran mrambat sing asalé saka laladan setengah ara-ara ing Afrika pérangan kidul.[1]. Tetanduran iki isih sakerabat karo melon (Cucumis melo) lan timun (Cucumis sativus).[1]. Semangka biyasa dipanèn wohé kanggo dipangan seger utawa digawé jus.[1]. Wiji semangka sing digaringaké lan disangrai uga bisa dipangan isiné (kotiledon) minangka kuaci.[1].

Kayadéné anggota suku timun-timunan liyané, habitus tetanduran iki mrambat nanging ora bisa mbentuk oyot adventif lan ora bisa mènèk. Jangkauan rambatan bisa nganti welasan meter.[1].

Godhongé mlekuk-mlekuk ing pinggiré.[1]. Kembangé sampurna, awerna kuning, cilik (dhiameteré 3 cm). Semangka iku andromonoecious monoklin, ya iku nduwèni rong jinis kembang ing satanduran: kembang jantan, sing mung duwé benang sari (stamen), lan kembang banci/hermafrodit, sing duwé benang sari lan putik (pistillum).[1].Kembang banci bisa ditepungi saka anané bakal woh (ovarium) ing pérangan bongkote kembang kembang arupa mlenting awangun penjol utawa oval.[1].

Woh semangka kulité atos, wernané ijo pekat utawa ijo enom kanthi larik-larik ijo tuwa. Gumantung kultivaré, daging wohé sing ngandhut banyu wernané abang utawa kuning.[1].

Tetanduran iki cukup tahan swasana garing mliginé yèn wis mlebu mangsa pambentukan woh.[1].

Kena ing Guna[besut | besut sumber]

Semangka rasané seger apa manéh yèn dipangan pas awan.[2] Semangka kalebu woh kang disenengi.[2] Semangka bisa nggawé awak seger lan njaga stamina awak sewengi muput.[2] Panalitén ing Texas, Amérika Sarékat ngandaraké yèn semangka nduwèni ''citrulline''.[2] Zat iki bisa mroduksi komponén kang bisa nggawé rélaksasi pembuluh darah, kaya déné yèn para priya ngombé viagra.[2]

Ing kulit semangka uga katemokaké citrullinekang bisa nduwèni réaksi karo énzim ing awak lan bisa malih dadi arginin, ya iku asam amino kang migunani tumprap jantung, sirkulasi darah lan imunitas beréaksi dengan énzim tubuh dan diowah dados arginin, ya iku asam amino kang migunnai tumprap jantung, sirkulasi darah, dan sistem imunitas.[2]

Miturut Bhimu Patil,paneliti lan Diréktur saka A&M’s Fruit and Vegetable Improvement Center, arginin bisa ningkataké nitrat oksida kang gawé rélaksasi pembuluh darah, padha kaya Viagra kang bisa ngobati lan ncegah éréksi.[2] Semangka bisa ngrélaksasékaké pembuluh darah tanpa éfék samping.[2] Miturut Patil, nitrat oksida uga bisa ngurangi agina, tekanan darah tinggi utawa hiperténsi, lan kardovaskular.[2] Patil nerangaké kurang luwih 60 persén citruline manggon ing kulit semangka lan uga ing dagingé.[2] Para panaliti uga nemu cara kanggo ningkataké citruline ing daging.[2] Panaliti Departemén Pertanian ing Lane, Okla, AS, Penelope Perkins-Veazie, nerangaké yèn citruline ana ing kabéh semangka ananging semangka kuning ngandhut citruline paling akèh.[2] Miturut Perkins dibutuhaké enem semangka kanggo ngéntoké citruline kang cukup kanggo ningkataké arginin.[2]

Yèn kakéyan mangan semangka bisa nyebabaké urin kang cacahé akèh saéngga kerep ning kamar mandi.[2] Semangka kalebu diuretik kang bisa kanggo terapi kanggo pasién ginjal sadurungé térapi dialisis.[2] Parkins uga nerangaké yèn kadar glukosa semangka bisa mlebu ing pembuluh darah.[2]

Citrulline lan arginin uga bisa kanggo obat penyakit obese lan diabetes tipe 2.[2] Saliyané iku, Citrulin uga ana ing tanduran liyané kaya ta timun lan bléwah.[2] Citruline kang ana ing timun lan bléwah cacahé luwih sithik tinimbang kang ana ing semangka.[2] Saliyané iku zat iki uga ana ing protéin susu kaséin.[2] Miturut Perkins, Citruline paling akèh tinemu ing wiji kenariref name="internet1"/> Ananging kenari rasané pait lan jarang wong kang seneng mangan.[2]

Kajaba ngandhut vitamin C semangka uga vitamin A kang cukup.[1]. vit A mlebu golongane anti oksidan ya iku sat kang bisa nglawan kanker.[1].

Nandur[besut | besut sumber]

Semangka kalebu tanduran kang akèh gunané awit ngandhut banyu kang akèh lan serat.[3] Cara nandur semangka bisa saka wijiné. Ditandur ing lemah kang akèh humusé.[3] Kang kudu digatékaké, jarak tanduran siji lan sijiné kudu rada adoh supaya wohé bisa akèh.[3] Semangka kalebu pala kesimpar kang uripé mrambat ing lemah.[3] Saliyané jarak tandur kang kudu diatur, kahanan iklim lan curah hujan uga prelu digatékaké,[3]

Hasil olahan Semangka[besut | besut sumber]

Semangka bisa dipangan langsung lan uga digawé jus.[4] Saliyané iku semangka uga bisa digawé ]puding semangka.[4] Nanging yèn ngolah semangka luwih becik ora nganggo gula utawa sirup, susu, utawa krim kang cacahé akèh.[4] Bahan-bahan mau bisa ngrusak zat-zat nutrisi kang ana ing semangka.[4]

Jinis lan bentuk[besut | besut sumber]

  • semangka ireng[5]
  • semangka kuning[5]
  • semangka abang[5]
  • semangka orén[5]
  • semangka bunder[5]
  • semangka kotak[5]
  • semangka lonjong[5]
  • semangka piramid[5]

Galeri[besut | besut sumber]

Cathetan suku[besut | besut sumber]

  1. ^ a b c d e f g h i j k l Jaya baya.2002.hal 18
  2. ^ a b c d e f g h i j k l m n o p q r s t u [1](dipunundhuh tanggal 15 April 2011)
  3. ^ a b c d e [2](dipunundhuh tanggal 15 April 2011)
  4. ^ a b c d [3](dipunundhuh tanggal 15 April 2011)
  5. ^ a b c d e f g h [4](dipunundhuh tanggal 15 April 2011)

Pranala njaba[besut | besut sumber]

Wiktionary-logo.svg
Pirsani informasi ngenani Semangka ing KamusWiki.
Deleng Uga Woh-wohan