Blimbing
| Blimbing | |
|---|---|
| |
| Woh blimbing | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Oxalidales |
| Famili: | Oxalidaceae |
| Génus: | Averrhoa |
| Spésies: | A. carambola |
| Jeneng binomial | |
| Averrhoa carambola L. | |
 |
Wikimedia Commons duwé médhia ngenani Averrhoa carambola. |
Wit Blimbing asalé saka Indonésia, India, lan Sri Langka, sarta akèh ing laladan Asia Kidul-Wétan, Républik Dominika, Brasil, Peru, Ghana, Guyana, Tonga, lan Polinesia.[1] Blimbing ditandur kanthi komersial ing Amérika Sarékat, yaiku ing Florida Kidul lan Hawaii.[1]
Deskripsi
[besut | besut sumber]Blimbing duwé jeneng latin Averrhoa Carambola.[1] Blimbing dhapuré bunder lonjong lan nduwé rusuk landhep lincip kang cacahé lima.[1] Blimbing rasané legi lan nggawé seger. Ing kalangan internasional blimbing dikenal kanthi jeneng star fruit.[1] Kang ndadékaké blimbing dijenengi star fruit amarga yèn dikethok kanthi horisontal woh iki katon kaya bintang.[1]
Habitat
[besut | besut sumber]Woh kang asalé saka India utawa Srilangka iki ora mung dibudidayakaké ing wewengkon Asia Tenggara kaya ta Malaysia, Thailand lan Filipina, nanging uga dikenal ing nagara-nagara kang duwé iklim sub tropis liyané kaya ta Amérika lan Australia.[1] Blimbing gampang thukul ing panggonan kang dhuwuré 0-500 m ing sandhuwuré lumah laut lan kanthi curah udan kang dhuwur.[1] Saliyané iku blimbing kudu éntuk cukup cahya srengéngé.[1] Ing Indonésia, blimbing kang rasané legi akèh tinemu ing laladan Demak, Jawa Tengah.[1]
Wit blimbing bisa ngembang saben taun lan bisa dipanén ping telu saben setahun.[1] Saliyané blimbing woh ana uga blimbing wuluh utawa blimbing keris.[1] Blimbing iki uga diarani blimbing sayur kang jeneng latiné Averrhoa bilimbi.[1] Nanging blimbing sayur rasané luwih kecut lan lumrahé kanggo nggawe sayur utawa masakan ancasé kanggo ménéhi rasa kecut ing masakan.[1]
Khasiat
[besut | besut sumber]Woh blimbing duwé khasiat dadi antipiretik lan ekspektoran,saéngga bisa dimanfaataké kanggo obat watuk kanggo bocah cilik.[2] Blimbing ngandhut akèh vitamin C lan duwé manfaat kanggo antiinflasi, analgesik, lan diuretik, saéngga apik kanggo nambani watuk, sariawan, lara gorokan, obat demam, obat kencing manis utawa diabétes, lan kolésterol.[2] Vitamin C kang paling dhuwur uga apik kanggo tamba kanker.[2] Oyot blimbing uga duwé khasiat kanggo nambani lara sirah lan nyeri sendi.[2] Saliyané iku, godhong blimbing uga bisa kanggo tamba radang lambung, radang kulit kang ana nanahé, lan bisul.[2] Blimbing uga duwé provitamin A.[2] Khasiat liyané, blimbing bisa nglancaraké pencernaan lan kanggo obat hiperténsi utawa blegudreg.[2]
Nanging tumrap wong kang duwé lelara ginjel kudu ati-ati, amarga blimbing ngandhut akèh asem oxalic kang mbebayani.[2]
Blimbing uga duwé akèh khasiat liyané.[3]
- Serat kang ana ing blimbing bisa nglancaraké prosès pencernaan[3]
- Blimbing ngandhut pektin kang bisa ngurangi kolésterol saéngga bisa kanggo diét supaya bobot awaké mudhun[3]
- Ncegah hépatitis lan pengerasan ati lan asem empedu kang manggoné ing usus lan mbantu ngétokna[3]
- jus blimbing bisa nyegeraké awak yèn lagi kesel[3]
Gizi
[besut | besut sumber]Saben 100 gram woh blimbing ngandhut warna-warna nutrisi kang migunani kanggo kaséhatan.[3]
- Natrium (Na) 2 miligram
- Serat 3 gram
- Protein 1 gram
- Vitamin A 61 IU
- Vitamin C 34,4 miligram
- Vitamin E 0,2 miligram
- Asam folat 12 mikrogram
- Kalium (K) 133 miligram
- Fosfor (P) 12 miligram
- Magnesium (Mg) 10 miligram
- Kalsium (Ca) 3 miligram
Asil olahan
[besut | besut sumber]Cathetan suku
[besut | besut sumber]- ↑ a b c d e f g h i j k l m n http://www.untukku.com Archived 2011-06-16 at the Wayback Machine.(dipunundhuh tanggal 18 Mèi 2011)
- ↑ a b c d e f g h http://organisasi.org(dipunundhuh tanggal 18 Mèi 2011)
- ↑ a b c d e f http://www.ayahbunda.co.id(dipunundhuh tanggal 18 Mèi 2011)
- ↑ http://forumnova.tabloidnova.com[pranala mati permanèn](dipunundhuh tanggal 18 Mèi 20110
- ↑ http://www.wartakota.co.id Archived 2012-02-10 at the Wayback Machine.(dipunundhuh tanggal 18 Mèi 2011)
- ↑ http://binaukm.com Archived 2011-08-09 at the Wayback Machine.(dipunundhuh tanggal 18 Mèi 2011)
