Kesemek

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kesemek
Woh kesemek
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Ericales
kulawarga: Ebenaceae
Genus: Diospyros
Species: D. kaki
Jeneng binomial
Diospyros kaki
L.f.
Wit kesemek lagi awoh
Bakul kesemek ing sawijining pasar ing Magelang

Kesemek iku jeneng sajinis woh-wohan saka marga Diospyros. Tanduran iki ditepungi uga kanthi sebutan woh kaki, utawa jroning basa Inggris dijenengi Oriental (Chinese/Japanese) persimmon. Jeneng èlmiyahé yaiku Diospyros kaki. (‘Kaki’, basa Jepang, iku jeneng dat tanin sing diasilaké woh iki).

Pemerian[sunting | sunting sumber]

Wit kesemek ukurané cilik tekan sedheng, 15 m utawa kurang, dioesis (dioecious, mawa omah loro) lan sok-sok monoesis, batangé cendhèk lan bengkong-bengkong, akèh pangé, sarta ngguguraké godhong.

Godhong jroning rong dhèrèt, kasusun selang-seling, gagangé cendhèk lk. 3 cm, bunder, bunder endhog nganti jorong, 2,5-15 × 5-25 cm, ijo kuning kilap-kilap.

Kembang lanang jroning malai cendhèk isi 3-5 kuntum, kembang wadon soliter, ing kelèk godgong, mawa wilangan 4. Woh buni wangun gèpèng mbulet lan segi papat, ijo semu kuning nganti abang, kanthi godhong kelopak sing ora rontok.

Asil lan kagunaan[sunting | sunting sumber]

Kesemek sing mateng wernané antara jingga semu kuning nganti semu abang lan dhiameteré antara 2-8 cm. Woh iki bisa dipangan langsung jroning kaanan seger sawisé diolèsi mawa banyu kapur lan diperem, supaya rasa sepeté ilang. Woh uga bisa digaringaké utawa diolah dadi selé, ager-ager, ès krim lan liya-liyané. Woh kesemek seger ngandhut 19,6% karbohidrat, utamané fruktosa lan glukosa, 0,7% protein, vitamin A lan kalium.

Woh kesemek sing enom ngandhut dat tanin sing dijenengi tanin-kaki, sing nimbulaké rasa sepet ing woh. Dat iki bakal saya kurang bebarengan karo matengé woh. Tanin-kaki dimupangataké kanggo ngawetaké manéka karajinan tangan, mbantu prodhuksi arak-beras ing Jepang, sarta bahan pangobatan penyakit hipertensi.

Asal-usul lan penyebaran[sunting | sunting sumber]

Kesemek 'Hachiya' saka Jepang, 柿 – lukisan cet banyu 1887

Kesemek asalé saka Républik Rakyat Cina, sing banjur nyebar dhateng Jepang nalika zaman purba lan ditangkaraké ing kana. Ing tembé wuri woh iki nyebar dhateng bagéan liya Asia, lan nalika mangsa kolonial ing taun 1800an digawa dhateng Eropah kidul lan Amérika (California).

Woh iki cukup wigati jroning tradhisi Tiongkok lan Jepang, saéngga pangaji komersialé dhuwur ing kana. Saiki komersialisasi prodhuksi kesemek wis mrémbét lan mawiyar ing Selandia Baru, Australia lan Israel. Ekspor saka Israel iki sing dijenengi minangka Sharon fruit.

Ing Indonésia, Malaysia lan Thailand, prodhuksi kesemek umumé mung cukup kanggo konsumsi lokal. Sumatra Lor, khususé wilayah Brastagi, biyen tau sacara tetep ngirim kesemek kanggo Singapura; nanging saiki mandheg amarga kualitasé kadhesek déning kesemek prodhuk negara-negara liya. Papan-papan liya ing Indonésia sing ngasilaké kesemek ing antarané yaiku Jawa Kulon lan Jawa Wétan, ing ngendi woh iki ditandur ing dhaérah-dhaérah dhuwur ing pagunungan.

Bahan Wacan[sunting | sunting sumber]

  • Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.
Delengen Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Kesemek&oldid=867485"