Kopi Luwak

Saka Wikipédia Jawa, bauwarna mardika basa Jawa
Salah siji produk kopi luwak

Kopi luwak iku jinis kopi sing digawé saka wiji kopi lan sadurungé wis dipangan déning luwak.[1] Ing jero weteng luwak, wiji kopi ora bisa kacerna amarga atos, saéngga nalika wiji kopi metu bareng karo telèké isih wutuh.[2] Wiji kopi kang wis kafermentasi kanthi alami ing jero weteng luwak, bisa gawé rasa kopi luwak béda karo kopi liyané.[3] Miturut peneliti saka Kanada, protéin ing weteng luwak nggawé wiji kopi kafermentasi kanthi mateng, saéngga rasa kopi luwak béda karo kopi liyané.[3] Suhu nalika fèrmentasi ing jero weteng luwak bisa nganti 200-265 derajat celcius.[4] Fèrmentasi ing jero weteng luwak suwené nganti 48 jam.[4] Sedina luwak bisa ngasilaké 0,2-o,4 kg wiji kopi luwak.[4]

Jeni kopi luwak ana 2, ya iku robusta lan arabika.[4] Jinis kopi luwak arabika digawé saka spésies kopi arabica.[4] Jinis kopi arabika paling akèh ing donya, cacahé 60% saka produksi kopi sadonya.[4] Tuwuhan kopi arabika uripé ing dataran dhuwur, dhuwuré tuwuhan iki 4-6 mèter.[4] Kandhungan kafeiin ing kopi arabika 1,5 % lan duwé 44 kromosom.[4] Kopi robusta uga diarani coffea canephora, dhuwure bisa ngati 10-12 mèter lan bisa ditandur ing panggonan kang luwih endhèk saka habitat kopi arabika.[4] Kopi robusta kandhungan kafeine luwih dhuwir ketimbang kopi arabika, kandhungan kafein kopi robusta 2,8% lan kromosomé setengah saka kopi arabika, 22 kromosom.[4] Ambuné kopi robusta luwih kuwat, lan rasané uga nétral.[4] Kopi jinis iki akèh tinemu ing warung-warung ing Indonésia minangka kopi instant.[4]

Asalé Kopi Luwak[besut | besut sumber]

Ana carita kang nyebutaké kopi luwak wis dikenal wiwit taun 1950-an, nalika jaman Hindia Walanda, akèh dibukak kebon kopi lan isih akèh kéwan luwak.[5] Nanging kéwan luwak saiki wis arang tinemu.[6] Luwak akèh diburu amarga daging luwak dipercara bisa kanggo nambani lelara asma.[6] Luwak iku kéwan kang pinter, bisa milih-milih kopi kang apik kanggo panganané.[4] Wiji kopi kang apik, dipangan déning luwak.[4] Ing jero weteng wiji kopi ngalami prosès fermentasi, banjur metu awujud wiji kopi kang wutuh campur karo telèk luwak.[3]

Kéwan Luwak

Carané Gawé Kopi Luwak[besut | besut sumber]

Carané gawé kopi luwak kang disengaja déning wong tani kopi kaya mangkéné:[2]

  1. Pak tani ngundhuh woh kopi kang wis mateng, ciriné wernané abang.
  2. Banjur kopi mau dipilihi sing apik-apik kanggo mangan luwak.
  3. wiji kopi kang wis dipilihi dipakakake luwak. Luwak mung mangan daging woh kopine, isi kopi ora bisa dicerna déning luwak. Banjur wiji kopi metu wujud telèk.
  4. Telèk luwak banjur dikumpulake.
  5. Wiji kopi banjur dipisah saka telèk luwak, diresiki, banjur dipépé nganti garing. Sawisé garing wiji kopi bisa dialuské lan siyap digawé kopi.

Lumrahé wong Indonésia, luwih seneng kopi kang dimasak nganti ireng.[7] Ing Koréa, Jepang, Taiwan luwih seneng kopi kang dimasak nganti warna soklat rada ireng.[7] Nanging wong Éropah luwih seneng kopi kang wernane soklat.[7]

Ana 8 jinis penggorengan (roasting) utawa teknik penggorengan kopi, ya iku:[7]

  1. Light Roast: warnané kopi sokelat rada kuning, rasané kecut, ambuné ora pati nyegrak. Rada mambu kopi mentah.
  2. Cinnamon Roast: penggorèngan ala Amérika. Rasané rada kecut. Warnané Cinnamon (kayu legi)
  3. Medium Roast: rasané kecut lan ambuné legi. Warnané kaya kacang.
  4. High Roast: rasa pahité luwih krasa ketimbang kecuté. Apik kanggo ès kopi.
  5. City Roast: rasa lan ambuné rata. Ala New York
  6. Full City Roast: rasané rada pahit sithik tinimbang rasa kecuté. Apik kanggo ès kopi
  7. French Roast: luwih pahit. Ala Éropah. Apik kanggo ès kopi
  8. Italian Roast: rasané pahit lan ambuné kuat nanging ora kecut. Warnané rada ireng. Apik minangka Espresso lan cappuccino

Urutan Kopi kang paling Larang[besut | besut sumber]

10 kopi paling larang:[8]

  1. Kopi Luwak – Indonésia
  2. Hacienda La EsmeraldaBoquete, Panama
  3. Island Dari St Helena Coffee CompanySt Helena
  4. El InjertoHuehuetenango, Guatemala
  5. Fazenda Santa InesMinas Gerais, Brazil
  6. Blue MountainWallenford Estate, Jamaika
  7. Los PlanesCitala, El Salvador
  8. Kopi Kona-Hawaii
  9. Starbucks Rwanda Blue BourbonGatare / Karengera, Rwanda
  10. Selecto AA Yauco CoffeePuerto Riko

Uga delengen[besut | besut sumber]

Cathetan suku[besut | besut sumber]

  1. kopi luwak (kaundhuh tanggal 23 Fèbruari 2011)
  2. a b cara pembuatan kopi luwak Archived 2011-03-05 at the Wayback Machine. (kaundhuh tanggal 23 Februri 2011)
  3. a b c kopi luwak termahal Archived 2011-02-21 at the Wayback Machine.(kaundhuh tanggal 23 Fèbruari 2011)
  4. a b c d e f g h i j k l m n mengenal lebih dekat kopi luwak Archived 2011-12-22 at the Wayback Machine. (kaundhuh tanggal 24 Fèbruari 2011)
  5. kopikopi luwak (kaundhuh tanggal 24 Fèbruari 2011)
  6. a b kopi luwak Archived 2011-02-23 at the Wayback Machine. (kaundhuh tanggal 24 Fèbruari 2011)
  7. a b c d Kopi Luwak Indonésia Archived 2011-06-25 at the Wayback Machine. (diakses tanggal 28 Fèbruari 2011)
  8. "10 Kopi termahal di dunia". Diarsip saka sing asli ing 2010-12-28. Dibukak ing 2011-03-02.

Grosir Kopi Luwak