Bakso

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bakso
Bakso mi bihun.jpg
Bakso kang disuguhaké nganggo bihun lan pangsit goreng
Informasi
Asal China
Penyajian lan bahan
Bahan daging dicampur glepung
Pedagang Bakso keliling.
Bakso Malang.

Bakso utawa baxo[1] iku sawijining panganan Indonésia. Bakso iku rupané awujud daging sing dicampur glepung kanji sithik lan dibentuk bundher-bundher.[2]

Sajarah[sunting | sunting sumber]

Bakso iku asalé saka basa China kang kasusun saka rong tembung, yaiku bak lan so.[2] Bak tegesé daging babi, déné so tegesé mi lan sop.[2] Ing Indonesia dhéwé daging babi diganti nganggo daging sapi, nanging tetep diarani bak.[2] Crita ngenani bakso ana wiwit abad 17, nalika pungkasané Dinasti Ming.[3] Ing sawijining désa ing Fuzhou ana priya jenengé Meng Bo kang banget ngabekti mring ibuné.[3] Nalika ibuné tuwa, dhéwéké nggawé daging giling kang digodhog kanggo ibuné amarga ibuné seneng dhahar daging.[3] Bakso iki rasané jebul énak lan tangga teparoné padha ngerti banjur njaluk tulung supaya diajari nggawé.[3] Wiwit saka kuwi bakso kawentar tekan ngendi-endi.[3].

Jinis[sunting | sunting sumber]

Bakso umumé digawé saka daging lan uga ana kang diisi daging kang wis dialusaké. [4]Ananging saliyané iku ana uga bakso kang diisi lombok rawit. [4] Bakso iki diarani bakso mercon. [4] Diarani bakso mercon amarga rasané kang pedes amarga lombok rawit. [4] Ana uga bakso coklat, yaiku bakso kang diisi coklat. [4]Saliyané iku ana uga bakso buah, bakso buah yaiku bakso kang diisi buah, kayata nanas, stroberi, tomat. [4]Kéju uga bisa dadi isi bakso, biyasané diarani bakso kéju. [4] Supaya rasané bisa nyampur, buah kang wis dikethok kothak cilik-cilik bisa disisipaké ing bakso kang satengah mateng. [4]Bakso banjur digodhog maneh nganti mateng.[4]

Bentuk[sunting | sunting sumber]

Bakso kotak yaiku bakso kang bentuké kotak utawa persegi empat.[5] Bakso kotak bahané kaya bakso bunder biyasa, ananging bentuké digawé kotak.[5] Bakso kothak idéné éntuk saka program komputer kang diarani Auto-Cad.[5] Yèn bakso bunder digawé bunder-bunder nganggo tangan, bakso coklat dibentuk nganggo cithakan dhéwé.[5] Bakso kothak nduwéni ukuran kurang luwih 5x2x2 cm.[5]

Bakso ing negara-negara liya[sunting | sunting sumber]

Bakso utawa dikenal nganggo jeneng meatball nduwé jeneng lan cara anggoné nyuguhaké kang séjé ing saben-saben nagara.[2]

  1. Indonésia. Bakso padatan disuguhaké ing wadhah mangkok kaya sup, nganggo mi, tahu, endhog, siomay.[2]
  2. Ing Afganistan, bakso dianggo minangka panganan tradhisional karo sop gawéyan omah.[2]
  3. Albania. Bakso iku digoréng (Qofte të fërguara).[2]
  4. Belgia. Bakso diarani ballekes utawa bouletten ing Flanders lan Brussels, lan boulettes utawa boulets ing Wallonia.[2] Padatan disuguhaké karo saos tomat utawa saos sambel, lan kentang goréng, krokèt kentang (kentang croquettes) utawa kentang kukus (steamed potatoes).
  5. Portugal lan Brazil. Bakso diarani almôndegas lan padatan digoreng lan disuguhaké bebarengan karo spaghetti.[2]
  6. China. Bakso kang paling kerep digawé iku saka daging babi lan padatan digodhog (kadhang ditambahi kecap).[2]
  7. Denmark. Bakso dikenal kanthi jeneng frikadeller lan padatan digorèng, digawé saka daging sapi, babi, bawang, endhog, uyah, lan mrica dibentuk kaya bal.[2]
  8. Jerman. Bakso diarani Frikadellen utawa Fleischpflanzerl utawa Fleischküchle.[2] Kang paling misuwur yaiku bakso Jerman Königsberger Klopse kang isiné anchovy utawa gerèh lan dipangan nganggo saos caper.[2]
  9. Austria. Bakso gorèng diarani Fleischlaibchen utawa Fleischlaberl.[2]

Bahan nggawé bakso[sunting | sunting sumber]

Bakso bisa digawé saka bahan-bahan kayata daging sapi, iwak (iwak kang dagingé putih kayata tengiri, kakap, kerapu, tuna, utawa iwak gabus), urang, unus (cumi-cumi), lan iwak pitik.[6] Jenengé bakso biyasané padha kaya daging kang dadi bahané.[6] Umpamané bakso kang digawé saka iwak, diarani bakso iwak, bakso kang digawé saka sapi diarani bakso sapi, bakso kang diiséni buah, diarani bakso buah, lan liya-liyané.[6]

Kaséhatan[sunting | sunting sumber]

Yen nggawé bakso ana uga kang dicampur karo boraks utawa bleng. [7]Gunané kanggo nggawé bakso luwih kenyal kaya daging lan luwih awét.[7] Iki ndadekake bakso tau dianggep panganan kang kurang aman karo BPOM.[7] BPOM ngélingaké yen ngonsumsi jajanan kang ngandhut boraks kang akéh nganti 5 nganti 10 taun bisa ningkataké resiko penyakit kanker hati.[8] Mulané bakso kang didol ing pasar tradisional lan pasar swalayan diwajibké bébas boraks.[8]

Galeri[sunting | sunting sumber]

Cathetan suku[sunting | sunting sumber]

  1. ^ Cara panulisan sing kerep ditemoni ing tlatah Semarang
  2. ^ a b c d e f g h i j k l m n o p q r (id)Bakso (diaksès tanggal 13 Maret 2011)
  3. ^ a b c d e (id)Sejarah Bakso (dipunundhuh 13 Maret 2011)
  4. ^ a b c d e f g h i (id)http://berita.liputan6.com/(dipunundhuh tanggal 9 Mei 2011)
  5. ^ a b c d e (id)http://www.republika.co.id/(dipunundhuh tanggal 9 Mei 2011)
  6. ^ a b c (id)http://bos.fkip.uns.ac.id/(dipunundhuh tanggal 9 Mei 2011)
  7. ^ a b c (id)Boraks Ada dalam Makanan Kita, Suara Merdeka http://www.suaramerdeka.com/(dipunundhuh tanggal 9 Mei 2011)
  8. ^ a b (id)[cite web|url=http://www.suaramerdeka.com/English/index.php?page=infodtl&InfoID=8&dtl=1%7Ctitle=Watch Out For The Food We Consume|last=Staff writer|year=2006|publisher=Directorate of Consumer Protection, Jakarta, Indonesia|accessdate=2009-02-10 http://www.suaramerdeka.com/](dipunundhuh tanggal 9 Mei)
Sumber artikel punika saking kaca situs web: "http://jv.wikipedia.org/w/index.php?title=Bakso&oldid=864453"