Kerapu

Iwak kerapu
Klasifikasi ngèlmiah
Karajan:	Animalia
Filum:	Chordata
Klas:	Actinopterygii
Ordho:	Perciformes
Famili:	Serranidae
Subfamili:	Epinephelus
Genera
	Acanthistius; Alphestes; Anyperidon; Caprodon; Cephalopholis; Chromileptes; Dermatolepis; Epinephelus; Gonioplectrus; Gracila; Hypoplectrodes; Liopropoma; Mycteroperca; Niphon; Paranthias; Plectropomus; Saloptia; Triso; Variola

Kerapu utawi manawi wonten ing Basa Inggris dipusebut grouper punika salah satunggaling iwak saking kelas Actinopterygii. Ulam kerapu saking spésies Serranidae ^[1]. Ingkang mbédakaken saking saben spesiès punika saking warna lan coraking awak ingkang unik saben spésies.

Kathahipun saking spésies ulam punika kalebet komoditas ingkang cekap laris ing pasaran. Kerapu punika aklebet ulam demersal ingkang remen ing perairan karang utawi ing gua-gua ing dhasaring perairan. Ulam kerapu punika karnivora ingkang kagolong boten aktif punika gampin dipun-budidayakaken amargi gadhah daya adhaptasi ingkang inggil.

Wonten ing siklus gesangipun, ulam kerapu wonten ing perairan dangkal 0.5 dumugi 3 mèter. Lajeng manawi sampun ageng pindah dhateng papan ingkang langkung jero malih kinten-kinten 7-40 mèter. Wonten ing Indonesia, ulam kerapu kathah kapanggih wonten ing perairan Pulo Sumatera, Jawa, Sulawesi, Ambon, lan Pulo Buru.

Jinis-jinis

Jinis-jinis ulam kerapu ingkang wonten ing Indonesia punika kados wonten ing ngandhap punika:

Brown-Marbled Grouper (Kerapu macan). Ulam kerapu jinis punika gadhah habitat alami sagara, sagara ingkang dangkal, subtidal aquatic beds, karang lan laguna pasisir. Ulam kerapu jinis macan gadhah sipat noktunal inggih punika nalika wanci awan langkung kathah ndelik wonten ing sela-selaning karang lan nindakaken aktivitas nalika wanci dalu kanggé pados panganan ^[2].
Humpback Grouper utawi Panther Grouper (Kerapu bèbèk). Khusus wonten ing Australia kawéntar kanthi sebutan Barramundi Cod. Kerapu bèbèk punika kalebet komoditas ulam ingkang laris wonten ing pasaran ^[1].
Coral Trout (Kerapu sunuk). Saking jinis punika kapérang malih dados ulam kerapu kanthi noda biru Plectropomus Laevis, kerapu sunuk biyasa Plectropomus Leopardus, kerapu kanthi waja kegaris Plectropomus Malculatus. Jinis ulam kerapu sunuk punika ingkang dados sasaran utami kanggé para pemancing wonten ing tlatah karang sepanjang Pasisir Queensland ^[1].
Greasy Grouper utawi Arabian Grouper (Kerapu kayu). Dawanipun ulam punika saged dumugi 75 cm, kepala lan awakipun gadhah warni klawu. Kerapu kayu punika gesang wonten ing kawasan toya bening lan karang ing sagara ingkang jero sanget ^[1].

Wonten ing siklus gesangipun ulam kerapu, padatanipun ulam kerapu ingkang enèm gesang wonten ing perairan karang pasisir kanthi jero 0,5-3 mèter, salajengipun nalika diwasa pindhah dhateng perairan ingkang langkung jero ing antawisipun 7-40 mèter. Endog lan lava ulam punika asifat pelagis, déné kerapu enèm lan diwasa asifat demersal ^[3].

Cathetan suku

↑ ^a ^b ^c ^d [1] Archived 2012-11-28 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 16 November 2012).
↑ [2] Archived 2014-02-21 at the Wayback Machine., (id) http://www.iptek.net.id Archived 2014-12-18 at the Wayback Machine. (dipun-akses tanggal 07 Dhésèmber 2012).
↑ [3] Archived 2014-03-03 at the Wayback Machine., (id) http://www.anneahira.com (dipun-akses tanggal 07 Dhésèmber 2012).

[internet1-1] [1] Archived 2012-11-28 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 16 November 2012).

[internet2-2] [2] Archived 2014-02-21 at the Wayback Machine., (id) http://www.iptek.net.id Archived 2014-12-18 at the Wayback Machine. (dipun-akses tanggal 07 Dhésèmber 2012).

[internet3-3] [3] Archived 2014-03-03 at the Wayback Machine., (id) http://www.anneahira.com (dipun-akses tanggal 07 Dhésèmber 2012).

[1]

[2]

[3]