Sega pecel

Saka Wikipédia Jawa, bauwarna mardika basa Jawa
Sega pecel Blitar
Sega pecel

Sega pecel iku masakan saka Jawa wujud sega kanthi lawuh pecel.[1] Janganan kang dianggo lumrahé dumadi saka kangkung utawa bayem, kacang lanjaran, godhong téla, godhong katès, lan ing Jawa Tengah lan Jawa Wétan kadhangkala ditambahi kembang turi lan wiji lamtara (mlandhing). Sega pecel biyasa ditambahi lawuh tèmpé gorèng utawa krupuk. Sing misuwur lan umum ditemoni iku sega pecel versi Pecel Madhiun, nanging akèh uga versi liyané kang sumebar ing tlatah Indonésia kaya ta ing Blora, Kudus, Banyumas, Tegal, Tulungagung, Kadhiri lsp.

Ing kutha Semarang, yaiku ing saubengé Simpang Lima, ana bakul sega pecel 'mBok Sadhor' kang dodolané mung ing wayah soré. Sega pecelé ditambahi pilihan lawuh antarané kéyong (escargot), martabak, lan lawuh kang umum liyané kaya tèmpé gorèng utawa krupuk. Ing tlatah Ngayogyakarta panganan sega pecel iki misuwur kanthi jeneng cekakan 'SGPC' kang tegesé ya 'sega pecel'.

Rujukan[besut | besut sumber]

  1. "Sega pecel dicampur saté kéong, nikmat". Diarsip saka sing asli ing 2011-10-06. Dibukak ing 2011-02-07.

Deleng uga[besut | besut sumber]

Pranala njaba[besut | besut sumber]