Kabupatèn Kudus

Saka Wikipédia, bauwarna bébas basa Jawa
Kabupatèn Kudus
Lambang Kudus.jpg
Lambang Kudus
Motto: “SEMARAK (Sehat, Elok, Maju, Aman, Rapi, Asri & Konstitusional)”[1]
Gambar:Locator kabupatèn kudus.png
Dina Dadi: 23 September 1549 M
Kutha krajan: Kudus
Bupati: H. MUSTOFA
Wakil Bupati:
Jembar
 - Total:

425,17 km²
Kacamatan
 - Cacahe:

9 Kacamatan
Padunung
 - Total:
 - Kapadhetan:

+/- 750.000 jiwa
+/- / km²
Suku Bangsa: wong Jawa
Agama: Kajawèn, Islam, Protestan, Katulik, Hindu lan Buddha
Basa: Basa Jawa lan Basa Indonésia

Kabupatèn Kudus iku kabupatèn ing Jawa Tengah, Indonésia. Kutha krajané ya iku Kutha Kudus sing dumunung ing jalur pasisir lor wétan Jawa Tengah, ya iku ing antarané (Semarang-Surabaya). Kabupatèn iki wewatesan karo dengan Kabupatèn Pathi ing sisih wétan, Kabupatèn Grobogan lan Kabupatèn Demak ing sisih kidul, sarta Kabupatèn Jepara ing sisih kulon. Kudus dikenal minangka kutha pengasil rokok krètèk paling gedhé ing Jawa Tengah. Saliyané iku Kudus uga minangka kutha santri, lan dadi punjering perkembangan agama islam ing abad tengahan. Bab iki bisa dideleng saka anané 3 makam wali/ sunan, ya iku Sunan Kudus, Sunan Muria lan Sunan Kedu.

Sajarah[besut | besut sumber]

  • Dumadiné Kutha Kudus

Dumadiné kutha kudus ora adoh saka perané Sunan Kudus. Jalaran ilmu lan kaprigelané, Sunan Kudus diwènèhi wewenang, mandégani jamaah Kaji, jalaran iku Sunan Kudus olèh gelar “Amir Haji” kang tegesé wong kang nguwasani urusan para Jama’ah Kaji. Panjenengané tau netep ing Baitul Maqdis saperlu sinau babagan agama Islam. Rikala semana ing kono lagi ana wabah penyakit, saingga akeh wong kang mati. Jalaran usahané Ja’far Shoddiq, wabah kasebut bisa dibrantas. Jalaran lelabuhané, Amir ing Palèstina mènèhi Ijazah Wewengkon, ya iku wewenang nguwasani salah sawijiné papan ing Palestina. Kang katulis ing watu kang katulis kanthi aksara Arab kuna, nganti saiki isih utuh ing ndhuwur Mihrab Masjid Menara Kudus.

  • Lelabuhané Sunan Kudus
Masjid Menara Kudus

Sunan Kudus ngajokaké panjaluk marang Amir Palèstina kang uga ara-araé, supaya wewenang salah sawijiné papan dipindah ing pulo Jawa. Panyuwunan kasebut diwujudaké lan Ja’far Shoddiq mulih menyang Jawa. Ja’far Shoddiq mbangun masjid ing laladan Kudus nalika taun 1956 H utawa 1548 M kanthi jeneng Al Manar utawa Masjid Al Aqsho, niru jeneng Masjid ing Yérusalem ya iku Masjidil Aqsho. Kutha Yerusalem uga diarani Baitul Maqdis utawa Al-Quds. Saka tembung Al-Quds kasebut banjur diarani Kudus, sateruse digunakake jeneng kutha Kudus nganti saiki. Sadurungé diarani Loaram, jeneng iki dinggo minangka jeneng désa Loram nganti saiki. Masjid kang diwangun Sunan Kudus kasebut dikenal minangka jeneng masjid Menara ing Kauman Kulon. Kawitané Sunan Kudus mapan ing laladan iku, cacahé kaum muslimin sansaya nambah saingga laladan ing sautara Masjid diarani Kauman, kang tegesé papan panggonan kaum muslimin.

  • Carita Rakyat

Ana carita rakyat ing kudus ngenani apa jalarane bebrayan Kudus nganti saiki ora nyembelih sapi? Sadurungé ana kaum Islam, laladan Kudus lan saubengé klebu laladan Pusat Agama Hindhu. Rikala semana nalika Sunan Kudus ngelak, tau ditulungi pendhéta Hindhu kanthi mènèhi susu sapi. Jalaran iku minangka rasa panuwun, Sunan Kudus wektu iku nglarang nyembelih sapi amarga ing agama Hindhu, sapi kalebu kewan kang diajeni utawa dimuliakan.

  • Dina Dumadiné Kutha Kudus

Dina dumadiné kutha Kudus ditetepaké tanggal 23 September 1549 M lan diatur ing Peraturan Laladan (PERDA) No. 11 taun 1990 ngenani Hari Jadi Kudus kang di babar tanggal 6 Juli 1990 ya iku ing era Bupati Kolonel Soedarsono. Dina dumadiné kutha Kudus dirayakaké kanthi parade, upacara, tasyakuran lan kagiyatan ing Al Aqsa / Masjid Menara kang diterusaké kanthi ritual keagamaan kayata doa bareng lan tahlil.

Geografis[besut | besut sumber]

Peta Kudus

Kabupatèn Kudus ya iku salah sawijiné Kabupatèn ing Jawa Tengah kang mapan ing sautara patang kabupatén yaitu : Sisih lor jèjèran karo kabupatèn Jepara lan Pati, sisih kulon jèjèran karo Kabupatèn Demak lan Jepara, sisih kidul jèjèran karo Kabupatèn Grobogan lan Pati, Sisih wétan jèjèran karo kabupatèn Pati. Kabupatén kudus mapan ing 6 51' - 7 16' Lintang Selatan lan 110 36' - 110 50' Bujur Timur. Jarak paling adoh saka wétan tekan kulon ya iku 16 km lan saka lor tekan kidul kidul nganti 22 km. Dideleng saka tipografiné, Kabupatèn Kudus nduwèni ketinggian terendah 5 meter ning ndhuwur permukaan laut ing Kacamatan Undaan lan ketinggian tertinggi 1600 meter diatas permukaan laut ing Kacamatan Dawe. Jinisé lemah ing Kabupatèn Kudus akèh-akèhe ya iku aluvial coklat nganti 32,12 persen saka jembar lemah ing Kabupatèn Kudus. Akèh-akèhe lemah ing Kudus nduwèni kamiringan 0-2 derajat lan kedalaman efektif luwih saka 90 cm. Kelerengan 0 - 8% : Kacamatan Undaan ( Désa Undaan Kidul, Undaan Lor, Undaan Tengah ), Kacamatan Kaliwungu ( Désa Blimbing Kidul, Désa Sidorekso, Désa Kaliwungu) Kacamatan Gebog, Kacamatan Dawe ( Désa Margorejo, Désa Samirejo, Désa Karangrejo, Désa Cendono ), Kacamatan Jekulo ( Désa Jekulo )

Kahanan mangsa ing Kabupatèn Kudus rata-rata dipengaruhi déning iklim tropis basah. Curah hujan ing Kabupatèn Kudus relatif ing ngisor rata-rata nganti 2000 mm/taun. Temperatur paling dhuwur nganti 33 derajat celcius lan paling ngisor nganti 26 derajat celcius kanthi temperatur rata-rata sautara 29 derajat celcius lan kelembaban rata-rata bulanan antaranè 72%-83%. Anginè ya iku angin kulon lan angin wétan sipaté lembab kanthi kelembaban sautara 88%, kecepatan angin minimum 5 km/jam lan kecepatan angin maksimum bisa nganti 50 km/jam.

Pamaréntahan[besut | besut sumber]

Kabupatèn Kudus ketata saking 9 kacamatan, kalurahan lan désa. Kacamatan-Kacamatan ing Kabupatèn Kudus ya iku:

Dhémografi[besut | besut sumber]

Cacahing padunung ing Kabupatèn Kudus ing taun 2010 ana gunggung 764.606 jiwa, dumadi saka 379.020 jiwa lanang lan 385.586 jiwa wadon. Yèn dideleng saka panyebarané kacamatan sing paling akèh gunggung padunungé ya iku Kacamatan Jekula, Kacamatan Jati, Kacamatan Dawé lan sing paling sithik ya iku kacamatan Bae. Kapadhetan padunung jroning kurun wektu limang taun (2006 – 2010) kapara ngalami mundhak sairing karo mundhaking gunggung padunung. Ing taun 2010 kacathet ana 1.798 jiwa saben kilomèter pesagi. Déné sebaran padunung isih durung warata, Kacamatan Kota minangka kacamatan sing paling padhet ya iku 8.738 jiwa per km2. Undaan paling arang padunungé ya iku 961 jiwa per km2.

Panganan lan Plesiran[besut | besut sumber]

Panganan khas[besut | besut sumber]

Plesiran[besut | besut sumber]

Omah Daharan (Wandhe)[besut | besut sumber]

Mangga Kapurih Ugi Mriksani[besut | besut sumber]

Cathetan Suku[besut | besut sumber]

Pranala Jaba[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Kabupatèn_Kudus&oldid=1058646"