Désa

Saka Wikipédia Jawa, bauwarna bébas abasa Jawa

Cithakan:Wewengkon administratif pamaréntahan Indonésia Désa, miturut dèfinisi universal, ya iku aglomerasi panggonan ing karang padésan (rural). Ing Indonésia, istilah désa iku kanggo wewengkon administratif ing Indonésia sing ana ing ngisoré kacamatan lan dipandégani déning Kepala Désa. Kepala Désa iku racaké diarani Lurah. Wiwit lumakuné otonomi laladan Istilah désa bisa disebut kanthi jeneng liya, upamané ing Sumatra Kulon disebut nagari, lan ing Papua lan Kutai Kulon, Kalimantan Wétan disebut kampung. Semana uga kabèh istilah lan institusi ing désa bisa disebut kanthi jeneng liya miturut karakteristik adat istiadat désa mau. Bab iki dadi salah siji pangakon lan pakurmatan pamaréntah marang asal usul lan adat istiadat saenggon.

Désa ing Indonésia[besut | besut sumber]

Miturut Peraturan pamaréntah Nomor 72 Tahun 2005 ngenani Désa, disebut yèn désa iku kesatuan masarakat hukum sing duwé wates-wates wewengkon sing duwé wewenang kanggo ngatur lan ngurus kapentingan masarakat saenggon, miturut asal-usul lan adat istiadat saenggon sing diakoni lan diurmati sajeroning sistem pamaréntahan Nagara Kesatuan Républik Indonésia.

Désa iku dudu bawahan kacamatan, amarga kacamatan minangka péranganing perangkat laladan kabupatèn/kutha, lan désa dudu péranganing perangkat laladan. Béda karo Kalurahan, désa duwé hak ngatur wewengkoné luwih ombèr. Nanging sajeroning perkembangan sabanjuré, sawiji désa bisa diowahi statusé dadi kalurahan.

Kawenangan désa ya iku:

  • Nyelenggarakaké urusan pamaréntahan sing wis ana miturut hak asal usul désa
  • Nyelenggarakaké urusan pamaréntahan sing dadi kawenangan kabupatèn/kutha sing dipasrahaké pengaturané marang désa, ya iku urusan pamaréntahan sing kanthi langsung bisa ngundhakaké pelayanan masarakat.
  • Tugas pembantuan saka pamaréntah, pamaréntah Provinsi, lan pamaréntah Kabupatèn/Kuthta
  • Urusan pamaréntahan liya sing dpasrahaké marang désa.

pamaréntahan Désa[besut | besut sumber]

Désa duwé pamréntahan dhéwé. pamaréntahan désa dumadi saka pamaréntah désa (sing nyakup Kepala Désa lan Perangkat Désa) lan Badan Permusyawaratan Désa (BPD)