Kabupatèn Blora

Saka Wikipédia, bauwarna bébas basa Jawa
Kabupatèn Blora
Lambang Blora
Motto: "Çaçana Jaya Kerta Bhumi"
align="center" colspan="2"
Dina Dadi: 11 Desember 1749
Kutha krajan: Kutha Blora
Bupati: Djoko Nugroho
Wakil Bupati: Arief Rohman
Ketua DPRD: Bambang Susilo
Jembar
 - Total:

1.821,40 km²
Kacamatan
 - Cacahe:

16 Kacamatan
Padunung
 - Total:
 - Kapadhetan:

+/- 0,887 yuta
+/- 661 / km²
Suku Bangsa: wong Jawa(Suku Asli), Samin(Suku Asli), China, Arab, Sunda, Melayu
Kode Telepon: 0296
Tanduran Asli Jati lan Kelor
Kewan Asli Betet lan Kijang
Agama: Islam, Kajawèn, Protèstan, Katulik, Hindhu lan Buddha
Basa: Dhialek Blora, Basa Jawa lan Basa Indonésia

Kabupatèn Blora ya iku kabupatèn ing Jawa Tengah, lokasine ing sisih wetan, tapel wates karo Propinsi Jawa Wétan, udakara 127 km sisih wétané Semarang. Kutha Blora iku kutha krajan kabupatèné, déné kutha-kutha liyane : Cepu, Ngawén, Kunduran, Jepon, Jiken, Doplang, Randublatung, Kradenan lan liya-liyané. Jembaré wewengkon Kabupatèn iki ± 1.821,40 km2 utawa 182.140 hektar. Salah sawijining laladan aliran Bengawan Solo sing diarani Bengawan Soré, kawentar minangka laladan sing dadi lokasi perang antarané Arya Penangsang lan Sutawijaya sing dicaritaaké ana ing Legenda Arya Jipang. Liyané Legenda Arya Penangsang karo jaran Gagak Rimangé, Kabupatèn Blora uga kawentar déning anané ajaran Saminisme sing asalé saka tlatah Klopodhuwur Blora. Masyarakat Samin iki kerep banget didadèkaké obyèk penelitian déning para mahasiswa utawa peneliti liyané saka Universitas Gadjah Mada lan Lembaga Pawiyatan Luhur liyané.

Sajarah[besut | besut sumber]

Kirab Dina Dadi Kabupatèn Blora ke-261

Kawit jaman Keraton Pajang nganti jaman Keraton Mataram Kabupatèn Blora arupa laladan wigati tumrap Pemerintahan Pusat Kraton, amarga Blora kawentar alas jatiné. Blora wiwit owah statusé saka apanage dadi laladan Kabupatèn ana ing dina Kamis Kliwon, tanggal 2 Sura tahun Alib 1675, utawa tanggal 11 Desember 1749 Masehi, lan nganti saiki dadi DINA DADI KABUPATEN BLORA. Bupati sing kapisan ya iku WILATIKTA. Sejarah perlawanan Rakyat Blora nglawan penjajah Walanda sing dipelopori déning para among tani diwiwiti ing akhir abad ka 19 lan awal abad ka 20. Perlawanan para tani iku mau magepokan karo sangsaya munduré kaanan sosial lan ékonomi warga désa. Pajak Kepala sing ditrapaké nalika taun 1882 pancèn dirasa abot déning para petani saéngga para petani dipimpin déning Samin Surosentiko miwiti perlawanan sing dikenal ana sejarah minangka Gègèr Samin.[1].

Geografis[besut | besut sumber]

Kabupatèn Blora nduwèni tlatah sing paling endhèk 30 nganti 280 mèter sak ndhuwuré permukaan segara, déné sing paling dhuwur nganti 500 mèter sak ndhuwuré permukaan segara. Kacamatan Japah minangka tlatah sing paling dhuwur, déné Kacamatan Cepu minangka tlatah sing paling endhèk dhéwé. Wewengkon Kabupatèn Blora diapit déning Pagunungan Kendheng Lor lan Pagunungan Kendheng Kidul, kanthi susunan lemah arupa 56 % gromosol, 39 % mediteran lan 5 % aluvial. Miturut tata guna tanah, laladan alas minangka tlatah sing paling amba dhéwé ya iku kurang luwih saka 90 hektar utawa 49,66 persèn, disusul lahan sawah kurang luwih 46 hektar lan tegalan 26 hektar.[2] Kacamatan Cepu sing kawentar sugih kekandutan lenga patra (Blok Cepu), minangka wates karo Propinsi Jawa Wetan (Kabupatèn Bojonagara lan Kabupatèn Ngawi). Tapel wates mau arupa tapel wates alam, ya iku Kali Bengawan Solo.

Dunungé[besut | besut sumber]

Kabupatèn Blora dumunung ana ing wewengkon paling pucuk wétan Propinsi Jawa Tengah. Jarak paling adoh saka kulon mengétan antara 57 km lan jarak paling adoh saka lor mengidul kira-kira 58 km.

Pintu Gerbang ke Blora saka arah Purwodadi

Wates Astronomis[besut | besut sumber]

Kabupatèn Blora dumunung ana ing antarané 111°0'16" nganti 111°33'8" Bujur Wetan lan antarané 6°5'28" nganti 7°2'48" Lintang Kidul.[3]

Wates Administratif[besut | besut sumber]

Pemerentahan[besut | besut sumber]

Kabupatèn Blora ketata jroning 16 kacamatan, 24 kalurahan lan 271 désa. Kacamatan-Kacamatan ing Kabupatèn Blora ya iku:

Bakul Legen ning Alun-alun Blora

Ékonomi[besut | besut sumber]

Gambar:Kerajinan Jati saka Jepon Blora.jpg
Kerajinan Jati di Jepon Blora
Alas Jati Blora

Batik Tulis Blora ing Klopodhuwur lan Blumbangreja Pabrik Gulha GMM Tinapan

Tetanèn[besut | besut sumber]

Pertanian minangka sektor utama perékonomian Kabupatèn Blora. Pari, téla pohung, lombok abang, dadi produk unggulan masyarakat petani ing Blora. Nanging kuciwané akèh sawah sing durung keduman pengairan saéngga panèné mung setahun pisan. Yèn mangsa ketiga para among tani padha nandur semangka, timun, utawa krai. Dene sub sektor kahutanan pancèn Kabupatèn Blora wis kawentar biyèn mula minangka tlatah sing ngasilaké kayu jati sing kualitasé paling apik ing Pulo Jawa. Kurang luwih 49,66 persen luas tlatah Kabupatèn Blora dipigunakan kanggo alas nagara, kapara dadi telung kesatuan administrasi ya iku KPH Randublatung, KPH Cepu, lan KPH Blora.

Dedagangan[besut | besut sumber]

Komoditas perdagangan sing paling utama ing Blora arupa produk kayu jati, kayata industri asil kayu, mèbel, kerajinan kayu gémbol, kerajinan sovenir saka bahan kayu jati. Saliyané iku produk-produk hasil tetanèn arupa pari utawa beras, gedhang, jagung, téla, lombok abang, lan liya liyané.

Pertambangan[besut | besut sumber]

Kabupatèn Blora wiwit jaman Walanda wis kawentar minangka laladan penghasil lenga patra. Jaman biyèn diolah déning Perusahaan Walanda BPM. Nganti sapréné isih ana tilasé arupa sumur-sumur lenga sing isih migunaaké pompa angguk. Liyané iku uga ana Akademi Migas ing tlatah Sorogo sing saiki jenengé dadi Pusat Pendidikan Latihan Migas. Sawisé mati puluhan taun, ora ana penambangan manèh, ujug-ujug taun 2006 ditemokaké cadangan lenga sing akèh banget ing tlatah Blora lan Bojonegoro sing kawentar kanthi jeneng Blok Cepu. Ladang lenga patra sing kawentar kanthi jeneng Blok Cepu ambané 45 km saka sisih wétan laladan Kapas, Kabupatèn Bajanegara nganti sisih kulon ing Kedung Tuban, Kabupatèn Blora iku, kira-kira ngandut cadangan lenga patra nganti 650 yuta barel lan 1,7 triliun cubic feet gas alam. Masyarakat Indonésia utamané warga Blora lan Bojonegoro mesthi waé ngrasa bungah lan antusias arep diwiwitiné pengeboran sumur-sumur lenga Blok Cepu ana ing pungkasan taun 2007.

Transportasi[besut | besut sumber]

Kabupatèn Blora diliwati dalan propinsi sing nyambungaké kutha Semarang lan kutha Surabaya ngliwati Kutha Purwodadi. Dalan liyané sing klebu wigati ya iku dalan sing nyambungaké kutha Rembang, Blora, Cepu, Bojonegoro, Suroboyo. Sing parané ngidul saka Cepu bisa liwat Ngawi terus Mediun utawa Sragen. Jalur sepur uga ngliwati tlatah Kabupatèn Blora, ya iku jurusan Jakarta-Suroboyo sing mandheg ana ning Stasiun Cepu.

Dhaptar Bupati Blora[besut | besut sumber]

Potrèt Raden Toemenggoeng Ario Said, Bupati Blora kaping sewelas (1921).

Dhaptar Bupati Blora saka taun 1749-2012:[4]

  1. Toemenggoeng Wilatikta (1749-1762)
  2. Toemenggoeng Djajeng Tirtanata (1762-1782)
  3. R.T. Tirtakoesoema (1782-1812)
  4. R.T. Prawirajoeda (1812-1823)
  5. R.T. Tirtanagara (1823-1742)
  6. R.T.A. Tjakranagara I (1842-1843)
  7. R.T. Tirtanagara (1843-1847)
  8. R.T. Natawidjaja (1847-1857)
  9. R.T.A. Tjakranagara II (1857-1886)
  10. R.M.T. Tjakranagara III (1886-1912)
  11. R.M. Said Abdoelkadir Djaelani (1912-1926)
  12. R.M. Tjakraningrat (1926-1938)
  13. R.M. Moerdjana Djajadigda (1938-1942)
  14. R.M. Soedjana (1942-1945)
  15. Mr. Iskandar (1945-1948)
  16. R. Wibisono (1948-1949)
  17. R. Siswadi Djajadigda (1949-1952)
  18. R. Soedjono (1952-1957)
  19. R. Soenartio (1957-1960)
  20. R. Soekirno Sastrodimedjo (1960-1967)
  21. Srinardi (1967-1973)
  22. Soepandi Joedodarmo (1973-1979)
  23. H. Soemarno, S.H (1979-1989)
  24. H. Soekardi Hardjoprawiro, MBA (1989-1999)
  25. Ir. H. Basuki Widodo (1999-2007)
  26. R.M. Yudhi Sancoyo (2007-2010)
  27. Djoko Nugroho (2010-2015)
  28. Ir.Ihwan Sudrajat (2015-2016) Pejabat Bupati
  29. Djoko Nugroho (2016-Saiki)

Pendidikan[besut | besut sumber]

No. Jinis Sekolah Jumlah Sekolah/Akademi/PT Jumlah Guru/Dosen
1 Sekolah Dasar 663 4 690
2 Sekolah Lanjutan Tingkat Pertama 77 1 577
3 Sekolah Lanjutan Tingkat Atas 42 1 151
4 MIN / MIS (Ibtidaiyah) 53 438
5 MTsN / MTsS (Tsanawiyah) 40 513
6 MAN / MAS (Aliyah) 10 157
7 Akademi 5 38
8 Perguruan Tinggi 3 26

Sumber Data : Deptan 2000 [1]

Budaya[besut | besut sumber]

Kasenian[besut | besut sumber]

  • Seni Tayuban. Tayuban iku seni kabudayan tradisional sing sumebar ana ing tlatah Blora lan sakubengé. Saliyané kanggo nyambut tamu kaurmatan, tayuban uga dipéntasaké nalika sedekah bumi utawa pesta-pesta adat liyané. Ing sajroning tayuban para tamu sing ketiban sampur olèh kaurmatan kanggo njogèt bareng karo penari tayub.[5] Perkembangan sakbanjurè seni tayub uga ngetutaké perkembangan seléra masyarakat ya iku lebur dadi siji karo musik [dangdut] lan [campursari] sing lagi digandrungi warga. Sawetara iku dampak negatipé uga ana ya iku banjur dicampuri ananing minuman keras lan tindak tanduk sing mengarah kurang trapsila, kayadéné sing katulis ana ing majalah Intisari lan kalawarti Kompas.[6],[7],[8]
    Wayang Krucil koleksi Museum Mahameru Blora
  • Barongan. Kesenian Barong utawa Barongan minangka sawijining kesenian rakyat Jowo Tengah. Nanging yèn dibandingaké karo saerah-laladan liya ing Jowo Tengah, sumebaré seni barongan ing Blora pancèn luwih akèh. Liwat Barongan, katon sipat kerakyatané masyarakat Blora, antara liya sipat spontan, kulawargan, prasaja, kasar, kuat, rukun, lan wani lalandhesan kebenaran. Kesenian iki awujud tarian kelompok sing nirokaké Singabarong sing prakosa lan tokoh liyané ya iku Bujangganong, Joko Lodro, Reog, Noyontoko, lan Untub.[9]
  • Wayang Krucil. Tontonan Wayang Krucil wis rada langka. Sisa-sisa wayangé ana ing tlatah Blora kari didarbèni déning sawetara warga antarané déning dalang Wayang Krucil Supangkat (45), penduduk Désa Janjang Kacamatan Jiken, Blora. Wayang Krucil, utawa ing tlatah liya dijenengi Wayang klithik iku digawé saka kayu. Nanging rada béda karo Wayang Golek sing awaké wangun gilig kaya manungsa, wayang krucil wanguné gèpèng, mèmper wayang kulit. Déné gedebog sing biasané dienggo nancepaké wayang diganti nganggo kayu sing di bolongi.[10]
  • Kentrung. Kesenian kentrung awujud seni ndongèng sing dalangé carita sinambi nabuh kentrung, ya iku sawijiné alat tetabuhan kaya rebana.

Ajaran Samin (Saminisme)[besut | besut sumber]

  • Ajaran Kebathinan Samin. Miturut warga Samin ing désa Tapelan, Samin Surosentiko punika saged nulis saha ngraos aksara Jawa, katilik saking anané buku paninggalan ingkang ditemokaké wonten Tapelan wonten désa-désa liyané. Buku peninggalan Samin Surosentiko ingkang wonten ing désa Tapelan diarani Serat Jamus Kalimasada. Buku punika kapèrang dadi sawetara buku antara liya Serat Uri-Uri Pambudi, ya iku buku ingkang isinipun ngupakara budi pekerti manungsa. Ajaran Kebatinan Samin Surosentiko apunjer wonten kawruh manunggaling kawula gusti utawa sangkan paraning dumadi ingkang dipunibaratakén warangka manjing curiga. Kanggo nglawan Pemerentah Kolonial Walanda, Samin Surosentiko ngajak para pendhèrèké nulak mbayar pajek, nulak ndandani dalan, nulak ronda wengi saha nulak kerja peksa/rodi. Perkara kanagaran uga winten Serat Pikukuh Kasajaten ajaran Samin Surosentiko, inggih punika nagara bakal kawentar saha wibawa menawi saged didadèkaké panggonan ngeyub kanggo wargané saha para warga tansah nguri-uri ilmu pangetahuan saha urip tentrem.[11]
  • Geger Samin. Samin Surosentiko lair tahun 1859, ing désa Ploso Kedhiren, Randublatung, Kabupatèn Blora. Ramanipun ingkang asmanipun Raden Surowijaya nanging luwih koncar kanthi tetenger Samin Sepuh. Jeneng asliné sakbeneré Radèn Kohar, nanging tembé mburi diowahi dadi Samin, jeneng ingkang luwih kemrakyat. Wiwit tahun 1890, Samin Surosentiko nyebaraké ajarané wonten tlatah Klapadhuwur, Blora.kathah warga désa sakubengé ingkang uga kepéncut marang ajarané, saéngga jroning wektu ora suwé wis akèh warga sing dadi muridé. Wektu punika Pemerentah Kolonial Walanda dereng pati ngrèwès merga dianggep ajaran kebathinan biasa utawa agama anyar ingkang boten mbebayani tumraping pemerentah kolonial. Ana ing tahun 1903 Residen Rembang nglapuraké yèn ana sawetara 711 pendhèrèk Samin sing nyebar ana ing 34 désa ing Blora bagèan kidul saha Bojonegoro lagi padha nyebaraké ajaran Samin. Tekan titi wanci tahun 1907 warga Samin sampun tambah ngrembaka dadi limang èwunan. Pemerentah Kolonial Walanda wiwit ngrasa was-was saéngga kathah pendèrèk Samin ingkang dicekel saha dikunjara. Nalika tanggal 8 Nopember 1907, Samin Surosentiko diangkat déning pendhèrèké dadi Ratu Adil, kanthi gelar Prabu Panembahan Suryangalam. Patang puluh dina sakwisé pemgangkatan mau Samin Suryosentiko dicekel déning Radèn Pranolo, Asisten Wedana Randublatung. Sakwisé dicekel, Samin lan 8 pendhèrèké dibuang ning luar Jawa nganti sak tilar donyané ing tahun 1914. Kanthi dicekelé Samin tibaké boten numpesake Gerakan Samin. Tahun 1908, Wongsorejo, salah sawijining pendhèrèk Samin nyebaraké ajaran Samin wonten Madiun. wonten punika warga désa diasut supaya boten mbayar pajek marang pemerentah Kolonial. Sidané Wongsorejo lan pendhèrèké uga dicekel saha dibuang wonten njabanipun pula Jawa. Tahun 1911, Surohidin, mantunipun Samin Surosentiko kalih Engkrak, salah sawijining pendhèrèké, nyebarake ajaran Samin wonten tlatah Grobogan; déné Karsiyah nyebaraké ajaran Samin ing tlatah Kajèn, Pathi. Ana ing tahun 1912 pendhèrèk ajaran Samin nyoba nyebaraké ajaran wonten tlatah Jatirogo, Tuban, nanging boten kasil. Tahun 1914, minangka pucuking Geger Samin, amerga Pemerentah Walanda ngunggahaké pajek, malahan wonten sawetara tlalah kayata wonten Purwadadi, Madiun, Pathi saha Bojonegoro, wong-wong Samin sampun boten ngregani para Pamong Désa saha Pulisi. Tahun 1930 perlawanan Samin tumrap Pemerentah Kolonial mandheg merga boten wonten figur pemimpin ingkang kuwat. Saking data ingkang ditemokaké wonten Serat Punjer Kawitan, disimpulaké menawi Samin Surosentiko inggih punika sawijining Pangèran utawa bangsawan ingkang nyamar dumados wong cilik kanggo ngumpulakén kekuatan rakyat kanggo nglawan pemerentah Kolonial Walanda.[11]

Panganan Khas Blora[besut | besut sumber]

  • Saté Blora. Sing paling populèr arupa saté pitik sing disundhuki cilik-cilik nganggo bumbu kacang. Bubar mangan sing di itung sujèné sing digawé saka sada. Salah sawijine bakul sate ayam sing kawentar enak lan bukak rina (sing akeh sate ayam bukak mbengi) ya iku sate Pak Kadirun, kidul Kantor Polantas anyar - biyen Polres Blora. Jinis saté liyané ya iku saté jagal utawa saté daging sapi lan saté wedhus.
Mangut Iwak Pé
  • Soto Klethuk. Ora pati béda karo soto saka laladan liya, mung ning Blora sotoné nganggo klethuk, ya iku gorèngan gemblong telo sing diirisi cilik-cilik marakké tambah mirasa lan duduhe biasane bening.
  • Mangut. Bahan dasar masakan iki arupa iwak panggang “Pé”, ya iku sajinis iwak pari yang diproses kanthi pengasapan nganggo kayu khusus saéngga ngasilaké aroma sing khas. Paling sedhep dicampur témpé lan lombok ijo terus dibumboni lan digodhok nganggo santen. Saliyané dimasak mangut, panggang iwak “Pé” uga énak dipenyèt nganggo sambel trasi.
  • Tahu Lonthong. Tahu Lontong Blora (nèng tlatah liya asring dijenengké Lontong Tahu), pancèn mirasa tenan. Tahu digorèng setengah mateng terus dipress nganggo piring supaya banyune tahu ilang. Banjur tahu ditumpangké sandhuwuring lontong, njur disiram nganggo bumbu kacang kécap. Ning ndhuwuré maněh di wur-wuri kacang lan brambang gorèng. Sing kawentar ning Blora ya iku Tahu Lontong Yu Tun sing dhasar ing Depot Gajah, Alun alun Blora. Ing kutha-kutha liya uga ana sawetara sing dodol Tahu Lontong Blora, kayata ing Semarang Tahu Lontong Blora mas Aris ing dalan Citarum. Ing Jakarta ana Tahu Lontong / Sate Blora Agus sing bukak warung ning Klender lan Sate Blora Kalibata ing plataran TMP Kalibata. Yèn ing kutha Yogyakarta uga ana Tahu Lontong Blora Bu Puji sing bukak warung ning Baciro.
Lembarang (Rahasia Resep Ibu Poeryoto Ngawén Blora)
  • Lembarang. Lembarang mono klebu golongan jangonon / sayuran sing bahan bakune iwak pitik / daging ayam. Bahan : Daging ayam, tewel, labusiem, lombok abang sakcukupe, brambang, bawang, tumbar, kunir, uyah, godong sereh, godong jeruk, santen, kemiri lan laos. Cara masaké: Bumbu-bumbu diulek nganti alus, sakliyané godong serèh, godong jeruk, laos lan santen. Sakwise alus, nembé digongsèng nganggo minyak gorèng nganti mambu wangi. Daging ayam / Sayuran dicemplungké sawisé sauntara wektu, nembé dijogi santen. Sakwise daging ayamé empuk, nembé bisa di hidangké.[12]
  • Jajanan. Saliyané saté lan Soto, akèh panganan utawa jajanan khas Blora antara liya: sangkolun, godrès, gandhos, iwel-iwel, moho, thathakriyak, dumbeg, pasung, cempura, horog-horog, grontol, gendar, gemblong, gendar, untir-untir, lepet jagung.
  • Ombènan. Limun kawis, legèn, wédang cemoè.
  • Woh-wohan. Siwalan, Mindhik, Juwet, Jambu Ménté.
  • Jangonon. Krai, Plonco utawa Gendhoyo, Temu Kunci.
  • Krupuk Sarmiyer (Samiler). di gawé soko puhung, diproduksi paling akeh nang deso Wantilgung Kacamatan Ngawén. biasane diiderne gawé pikulan nyampek Suroboyo, Semarang, Malang lan liya-liyane. tapi paling akeh diiderne nang Suroboyo.

Jarak Antarané Kutha krajan Kacamatan ing Kabupatèn Blora (KM)[besut | besut sumber]

Kacamatan Jati Randublatung Kradenan Kedungtuban Cepu Sambong Jiken Bagareja Jepon Blora Banjarejo Tunjungan Japah Ngawén Kunduran Todanan
Jati 12 KM 21 KM 26 KM 38 KM 44 KM 53 KM 58 KM 49 KM 43 KM 47 KM 50 KM 43 KM 34 KM 22 KM 38 KM
Randublatung 12 KM 9 KM 14 KM 26 KM 32 KM 41 KM 46 KM 37 KM 29 KM 35 KM 38 KM 50 KM 53KM 34 KM 50 KM
Kradenan 21 KM 9 KM 12 KM 24 KM 30 KM 50 KM 55 KM 46 KM 38 KM 44 KM 47 KM 59 KM 50 KM 43 KM 59 KM
Kedungtuban 26 KM 14 KM 12 KM 12 KM 18 KM 34 KM 47 KM 38 KM 43 KM 49 KM 52 KM 64 KM 55 KM 48 KM 64 KM
Cepu 38 KM 26 KM 24 KM 12 KM 6 KM 22 KM 35 KM 26 KM 34 KM 46 KM 43 KM 55 KM 46 KM 58 KM 74 KM
Sambong 44 KM 32 KM 30 KM 18 KM 16 KM 16 KM 29 KM 20 KM 28 KM 40 KM 37 KM 49 KM 40 KM 52 KM 68 KM
Jiken 53 KM 41 KM 50 KM 34 KM 22 KM 16 KM 13 KM 4 KM 13 KM 24 KM 21 KM 33 KM 24 KM 36 KM 52 KM
Bagareja 58 KM 46 KM 55 KM 47 KM 35 KM 29 KM 13 KM 9 KM 17 KM 9 KM 29 KM 38 KM 29 KM 41 KM 57 KM
Jepon 49 KM 37 KM 46 KM 38 KM 26 KM 20 KM 4 KM 9 KM 8 KM 20 KM 17 KM 29 KM 20 KM 32KM 48 KM
Blora 43 KM 29 KM 38 KM 43 KM 34 KM 28 KM 13 KM 17 KM 8 KM 12 KM 9 KM 21 KM 12 KM 24 KM 40 KM
Banjarejo 47 KM 35 KM 44 KM 49 KM 46 KM 40 KM 24 KM 9 KM 20 KM 12 KM 21 KM 15 KM 6 KM 18 KM 34 KM
Tunjungan 50 KM 38 KM 47 KM 52 KM 43 KM 27 KM 21 KM 29 KM 17 KM 9 KM 21 KM 22 KM 13 KM 25 KM 41 KM
Japah 43 KM 50 KM 59 KM 64 KM 55 KM 49 KM 33 KM 38 KM 29 KM 21 KM 15 KM 22 KM 9 KM 21 KM 13 KM
Ngawén 34 KM 41 KM 50 KM 55 KM 46 KM 40 KM 24 KM 29 KM 20 KM 12 KM 6 KM 13 KM 9 KM 12 KM 28 KM
Kunduran 22 KM 34 KM 43 KM 48 KM 58 KM 52 KM 36 KM 41 KM 32 KM 24 KM 18 KM 25 KM 21 KM 12 KM 16 KM
Todanan 38 KM 50 KM 59 KM 64 KM 74 KM 68 KM 52 KM 57 KM 48 KM 40 KM 34 KM 41 KM 13 KM 28 KM 16 KM

Plesiran[besut | besut sumber]

  • Gua Terawang. Gua Terawang minangka obyèk wisata alam, dumadi saka endapan watu gamping (limestone), Pegunungan Kendheng Utara sing umuré udakara 11 yuta tahun. Dumunung ana ing Désa Kedhungwungu, Keacamatan Todanan, tlatah alas KPH Blora, kurang luwih 35 km sisih kuloné Kutho Blora. Gua Terawang dawané kurang luwih 180 meter lan jeroné 5-11 meter ing ngisor lemah. Ing njeroné ana stalagmit lan stalagtit sing nyata éndah. Ing tlatah iki uga ana sawetara gua liyané ya iku Gua Kidang, Gua Suru, Gua Manuk lan sapunanggalané.
  • Waduk Bentolo. Waduk Bentolo dumunung ora pati adoh saka lokasi Gua Terawang, ya iku ing Kacamatan Todanan. Waduk Bentolo minangka sumber irigasi kanggo sawah-sawah ing tlatah sakubengé. Sakliyané iku Waduk Bentolo uga dadi salah sawijiné obyek wisata lan lokasi Bumi Perkemahan Pancasona.
  • Waduk Tempuran. Waduk Tempuran minangka sarana irigasi, wisata alam lan sarana pembinaan ulah raga dayung . Masyarakat sakubengé uga nggunaaké Waduk Tempuran kanggo budidaya iwak karamba. Waduk iki dumunung kurang luwih 10 km sisih lor étane Kutha Blora.
  • Waduk Grènèng. Waduk Grènèng ambané udakara 45 ha, dumunung ana ing Kacamatan Tunjungan, kurang luwih 12 km lor kuloné Kutha Blora. Sakliyané kanggo irigasi, waduk iki uga nduwèni fungsi kanggo miara iwak, pemancingan lan minangka obyèk wisata
    Gambar Loko Tour Cepu Sumber saka: http://www.blorakab.go.id/04_walam.php
  • Loko Tour. Loko Tur ngrupaaké pakèt wisata perjalanan kia-kira patang jam ing alas Cepu Blora nganggo sepur sing digèrèt lokomotip tuwa gawéan Berliner Maschinnenbaun Jerman taun 1928.
  • Pemandian Sayuran. Pemandian Sayuran dumunung kurang luwih 14 km lor étané Kutha Blora. Pemandangan saka tlatah iki pancèn éndah lan hawané seger merga klebu tlatah pegunungan. Pemandian Sayuran uga dilengkapi pemandian kanggo anak-anak lan padhépokan kanggo para wisatawan.
  • Agro Wisata Temanjang. Obyek wisata iki dumunung ana ng tlatah alas jati 16 km kidulé Kutha Blora. Laladan iki kawentar ana sawijining obyek wisata Dungmandur, arupa kedhung sing ora tau sat banyuné lan dikubengi déning sakèhé wit-witan. Ing obyek wisata Temanjang kéné uga ana panggonan kanggo nginep utawa tetirah.
  • Obyek Wisata Gunung Manggir. Arupa wisata alam pegunungan sing dumunung ing pebukitan Manggir, désa Ngumbul, Kacamatan Todanan, udakara 38 km kuloné Gua Terawang. Kayadéné Gua Terawang, obyèk Gunung Manggir iki uga nduwèni gua sing njeroné ana stalagtit stalagmit-é. Sak loré Gua Manggir ana manèh Gua Mangklih sing njeroné ana sendhangé.
  • Obyek Wisata Géologi. Wisata Géologi ya iku wisata alam utawa wisata ilmu kebumian kanthi obyek sing magepokan karo proses géologi, contoné lenga patra lan gas bumi. Ing tlatah Kabupatèn Blora akèh sumur lenga patra sing diketemoaké déning BPM ing taun 1890. Saka kurang luwih 648 sumur mau 112 sumur isih ngasilaké lenga patra. Nganti saiki isih akèh sumur lenga patra tua sing di budidayaaké déning warga kanthi cara tradisional.
  • Taman Budaya lan Seni Tirtonadi. Sawijining taman rekreasi ing tengah kutha Blora kang senajan cilik nanging pepak saranané kayata kolam renang kanggo diwasa lan bocah cilik, panggung hiburan, kurungan manuk lan liya liyané. Taman Tirtonadi iki jaman biyèn tau dadi Kebun Kewan sing ramé ditekani keluarga, bocah-bocah cilik lan remaja.
Taman Rekreasi Tirtonadi Blora

Tokoh asal Blora[besut | besut sumber]

Mangga Kapurih Ugi Mriksani[besut | besut sumber]

Referensi[besut | besut sumber]

Pranala Jaba[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Kabupatèn_Blora&oldid=1070697"