Kabupatèn Rembang

Aksara Latin

ꦗꦮꦶ

Kabupatèn Rembang ꦏꦧꦸꦥꦠꦺꦤ꧀ꦉꦩ꧀ꦧꦁ كابوڤاتين رٓمباڠ
Kabupatèn
Lambang
Sesanti: Rembang Bangkit (Bahagia, Aman, Nyaman, Gotong royong, Kerja keras, Iman, lan Takwa)
Pernahé Rembang ing Jawa Tengah Pernahé Rembang ing Jawa Tengah
Nagara	Indonésia
Provinsi	Jawa Tengah
Dina Dadi	27 Juli 1941
Kutha Krajan	Rembang
Pamaréntahan
• Bupati	H. Abdul Hafidz
• Wakil Bupati	Bayu Andriyanto, S.E
Laladan
• Gunggung	1,014,10 km2 (391,55 sq mi)
Bebrayan
• Wong	Jawa, Medura, lan Tionghoa,
• Basa	Jawa lan Indonesia
• Kepercayaan	Kajawèn Islam Kristen Protestan Katulik Buddha Hindu
Zona wektu	WIK (UTC+7)

Kabupatèn Rembang iku kabupatèn ing Jawa Tengah, pernahé ing sisih wétan (pantura), kutha Rembang iku kutha krajan kabupatèné. Jembar wewengkon kabupatèn iki 101.408 hèktar.

Saréan pahlawan bangsa kang mbéla wanita Indonésia, R. A. Kartini, ana ing kabupatèn iki, yaiku ing Désa Bulu kang kalebu jalur Rembang-Blora (Mantingan).

Géografi

Kabupatèn Rembang ana ing pucuk lor-wétan Provinsi Jawa Tengah lan diliwati Dalan Pantai Utara Jawa (Jalur Pantura), manggon ing koordinat 111° 00' - 111° 30' Bujur Wétan lan 6° 30' - 7° 6' Lintang Kidul. Laut Jawa ana ing lor kabupatèné. Umumé kabupatèn iki dhatarané dhataran cendhèk kanthi dhuwur kurang luwih 70 mèter ing dhuwur permukaan segara.

Kabupatèn Rembang wewatesan langsung karo Provinsi Jawa Wétan, saingga dadi gapura wétan Provinsi Jawa Tengah. Daérah kang nduwèni wates karo Jawa Wétan (kaya ta ing Kacamatan Sarang), duwé kodhe télpon kang padha karo Tuban (Jawa Wétan).

Wates Tlatah

1. Sisih lor: Laut Jawa
2. Sisih wétan: Kabupatèn Tuban
3. Sisih kidul: Kabupatèn Blora
4. Sisih kulon: Kabupatèn Pathi

Pamaréntahan

Kabupatèn Rembang ketata saking 14 kacamatan, 7 kalurahan lan 287 désa. Kacamatan-Kacamatan ing Kabupatèn Rembang yaiku:

• Sumber
• Bulu
• Gunem
• Salé
• Sarang
• Sédan
• Pamotan
• Sulang
• Kaliori
• Rembang
• Pancur
• Kragan
• Sluké
• Lasem

Deleng uga

• Pratélan kabupatèn lan kutha ing Indonésia

Pranala njaba

• Situs Web Resmi