Kabupatèn Grobogan

Saka Wikipédia Jawa, bauwarna bébas abasa Jawa
Kabupatèn Grobogan
Lambang Grobogan.gif
Lambang Grobogan
Sesanti: ""
Gambar:Locator kabupatèn grobogan.gif
Tugu selamat datang Purwodadi JATENG.jpg
Dina Dadi: 4 Maret 1726 (21 Jumadilakir 1650 AJ
Kutha krajan: Purwadadi
Bupati: Agus Supriyanto, SE
Wakil Bupati: Bambang Pujiono, SH
Jembar
 -Total:

1.975,86 km²
Kacamatan
 -Cacahe:

19 Kacamatan
Padunung
 -Total:
 -Kapadhetan:

+/-1.346.225 jiwa (2002)
+/-681 / km²
Suku Bangsa: wong Jawa
Agama: Kajawèn, Islam, Protèstan, Katolik, Hindhu lan Buda
Basa: Basa Jawa lan Basa Indonésia
Bledhug Kuwu
Geni abadi Mrapèn
Watu bobot

Kabupatèn Grobogan iku iku kabupatèn ing Jawa Tengah, pernahé ing sisih wétan, kutha Purwadadi iku kutha krajan kabupatèné, kutha-kutha liyané:, lan liya-liyané. Jembar wewengkon Kabupatèn iki ± 1.975,86 km² utawa hektar.

Géografi[besut | besut sumber]

Grobogan diapit anatarané Pegunungan Kendeng ning sisih kidul lan Pegunungan Kapur Lor ning sisih lor. Sanadyan panas ning mangsa ketiga, Grobogan dadi salah siji lumbung pari ning provinsi Jawa Tengah, amarga kapupaten iki duwé akèh tlaga lan waduk kanggo irigasi sawah-sawah ning sisih kidul lan kulon kabupatèn (Waduk Klambu, Waduk Sedadi lan Waduk Kedung Amba). Mangsané Waduk Kedung Amba lagi dibangun, akèh rakyat sing ora sepakat, amarga pembangunan waduk iki ora duwé persetujuan saka masarakat désa-désa sing diwajibke bedhal désa. Pembangunan waduk iku diragati déné Bank Ndonya (the World Bank). Saliyané waduk, uga ana rong kali, jenengé Kali Lusi (utawa kali Pilang) lan Kali Serang. Mangsa rendeng, kali-kali iki bisa nyebabkà banjir bandang.

Pamaréntahan[besut | besut sumber]

Grobogan dadi kabupatèn tanggal 4 Maret, 1726, ambané kurang luwih 1.975,86 km², (sumber liyané nyebutké 1.875,85 km²), kabutan paling amba nomer 2 ning Provinsi Jawa Tengah. Cacah jiwa Grobogan taun 2004 ana 1.359.191 jiwa. Grobogan nduwèning 19 kacamatan, lan 280 désa. Bates sisih lor ya iku Kabupatèn Demak, Pati lan Kudus, ning sisih wétan kabupatèn Blora lan ning sisih kidul kabupatèn Ngawi (Provinsi Jawa Wétan), Sragen lan Boyolali, lan ning pérangan kulon kabupatèn Semarang.

Sing dadi Bupati ya iku Agus Supriyanto SE lan wakil Bupatiné Bambang Pujiono SH (2006).

Kabupatèn Grobogan ketata saking 19 kacamatan, 7 kalurahan lan 273 désa. Kacamatan-Kacamatan ing Kabupatèn Grobogan ya iku:

Agama[besut | besut sumber]

Kaya kabupatèn-kabupatèn liyané ning Jawa Tengah, agama utama sing digegem wong Grobogan iku agama Islam. Saliyané, uga ana wong sing nganut agama Kristen, Katolik, Hindhu lan Buda. Uga ana wong sing nggegemi agama kejawen.

Pendidikan[besut | besut sumber]

Meh kabèh sekolah sing ana diragati karo nagara – sekolah nagari. Nanging ana uga sekolah-sekolah suwasta, kaya Madrasah Ibtidaiyah, Muhammadiyah, PGRI, lan sekolah Kristen. Tekan taun 2007, Kabupatèn Grobogan durung duwé universitas. Sanadyan pendidikan SD lan SMP diwajibke nagara, jumlah murid SMP mung 58,13 persèn, lan jumlah murid SMA mung 21, 19 persèn saka umur sing sak wajibé kudu sekolah (2004).

Seni lan Budaya[besut | besut sumber]

Seni budaya Jawa ning Grobogan akèh diprabawai seni budaya Islam saka Kasultanan Demak lan Kudus, ditambah prabawa Islam-Hindhu, saka Kasunanan Surakarta. Contoné iku budaya Kathamansunatan kanggo bocah lana mangsa akil balik. Klambi sing dienggo déné bocah sing disunat, dijupuk saka budaya arab, ditambah karo “terbangan” nganggo terbang lan kentrung sing luwih cedhak karo budaya Islam. Nanging kanggo pengantenan, klambi lan uba rampé luwih cedhak karo budaya Hindhu-Jawa. Ana uga budaya sing luwih “merakyat” utawa “profane”, kaya jogetan seni tayub utawa ledhek. Jejogetan iki sawijiné jejogetan nganggo gamelan Jawa. Penjoget mliginé racaké priyayi putri. Tembang-tembangané rada gumbira. Jaman ndhisik, kulawarga sing duwé hajatan kaya mantenan, sunatan utama slametan liyané nanggap tayub utawa ledhek. Lan racaké slametan iku sak rampungé mangsa panen.

Panganan lan Plesiran[besut | besut sumber]

Panganan khas[besut | besut sumber]

Ning Indonésia, Purwodadi Grobogan dikenal saka "Swikee", jangan kodhok (racaké kodhok ijo) ganggo taucho. Sajatiné, Swikee iku olah-olahan Tionghoa. Amarga ana akèh kulawarga Tionghoa sing manggon ning Purwodadi lan duwé pabrik kecap, jangan kodhok dadi masakan asli Purwodadi.

Plesiran[besut | besut sumber]

Pranala njaba[besut | besut sumber]