Nusjirwan Tirtaamidjaja

Saka Wikipédia Jawa, bauwarna bébas abasa Jawa
Iwan Tirta
Iwan tirta.jpg
Lair (1935-04-18)April 18, 1935
Nèderlan Blora, Jawa Tengah, Hindia Nèderlan
Pati Juli 31, 2010(2010-07-31) (umur 75)
Indonésia Jakarta, Indonésia
Bangsa Indonésia
Pakaryan Désainer

Nusjirwan Tirtaamidjaja (Iwan Tirta), (lair ing Blora, Jawa Tengah, 18 April 1935, tilar donya ing Jakarta, 31 Juli 2010 ing yuswa usia 75 taun) sawijining désainer batik sing wis kondhang saindhenging jagad. Ing babagan nguri-uri budaya tradisional Indonésia, jenengé pancèn wis misuwur lan kasil mopulèraké batik kas Indonésia nganti tekan manca nagara. Sanajan sekolah formalé ana ing School of Oriental and African Studies ing London University lan Master of Laws saka Yale University, Amérika Sarékat, Iwan malah nemu jati diriné ana ing jagat désain batik. Sumbangan sing paling nyata ya iku nalika Iwan kasil njelmaaké batik saka selembar kain batik sing kanthi tradisional digunakaké kanthi dililitaké ning awak, dadi gaun èdhi pèni sing ora kalah karo gurilapé busana saka manca nagara. Iwan kasil ngawinaké kaèndahan batik karo kepraktisan busana "ala" manca nagara.[1]

Awal karir[besut | besut sumber]

Nusjirwan Tirtaamidjaja sing misuwur kanthi jeneng Iwan Tirta wiwit asring magepokan karo batik nalika ing taun 1960-an, nalika dhèwèké sinau ing Amérika Sarékat. Wektu semana dhèwèké asring ditakoni bab budaya Indonésia sing ndadèkké Iwan kepéngin kenal budhayané dhéwé. Sakbeneré Iwan Tirta wis kenal budaya, mligi budaya Jawa wiwit cilik. Iwan dhéwé duwé getih campuran Purwakarta, Jawa Barat, saka bapaké ya iku Mr Moh Husein Tirtaamidjaja, sawijining anggota Mahkamah Agung RI (1950-1958), lan getih Sumatra Kulon saka ibuné sing asalé saka Lintau. Iwan sing lair di Blora, Jawa Tengah, ajar kenal budaya Jawa nalika wong tuwané dadi priyayi Jawa nalika ditugasaké ing Jawa Tengah.[2]

Kesengsem marang Batik[besut | besut sumber]

Rasa kesengsem karo batik lair nalika Iwan olèh dana John D Rockefeller III kanggo nyinaoni tarian karaton Kesunanan Surakarta. Nalka iku Iwan mutusaké arep mendalami batik lan duwé tekad arep ndokumentasèaké sarta nglestarèaké batik. Kasil penelitiané ditulis ana ing bukuné sing kapisan, Batik, Patterns and Motifs ana ing taun 1966. lan buku liyané ya iku Batik, A Play of Light and Shades (1996).[3]

Riset lan pendhidhikan[besut | besut sumber]

Sawisé puluhan taun makarya, Iwan dundum kunci suksèsé. "Kunciné ya iku riset., pendidikan lan promosi. Kita kurang banget bab sing loro iku," ujaré Iwan sing pijer nganggo kemeja batik saben ana acara, nanging uga seneng nganggo kathok pendek denim karo kaos ketat nalika ning ngomah lan siyap mbatik. Kakuatan batik Jawa miturut Iwan, sing dadi dhasar batik nasional lan ora bakal bisa ditiru nagara liya ya iku : Sepisan, anané tèhnik sing baku, ya iku migunakaké malam lan canthing; kaloro, anané pakem arupa ragam hias kanthi dhasar geometris nongeometris; katelu, jalinan raket karo budaya liya; lan ora gegayutan karo sawijining agama tartamtu.[4]

Prestasi[besut | besut sumber]

Seni Kriya[besut | besut sumber]

Saliyané ngrancang busana, Iwan uga seneng marang seni kriya liyané. Amarga cedhak kalangan kraton Jawa, Iwan wiwit njajal ngesokaké jiwa seninéne menyang kerajinan pérak. Motif modang, upamané, didadèkaké ragam hias ana ing tutup wadhah perhiasan, sawetara seperangkat wadhah suruh peraké dadi rerenggan ing Hotèl Dharmawangsa ing Kebayoran Baru, Jakarta Selatan. Iwan uga ndésain prangkat dhahar porselen kanthi nggunakaké motif batik. Energi kreatifé uga disaluraké kanggo ngrancang perhiasan sing inspirasiné saka perhiasan kraton.[5]

Dokumentasi Batik[besut | besut sumber]

Iwan terus ndokumentasèaké motif batik tuwa, kalebu kagungané Puri Mangkunagaran, Solo, menyang data digital lan kertas kanthi bantuan pengusaha Rachmat Gobel. Data iku mau dadi paugerané wektu ngembangaké motif anyar sing trep karo selera jaman nanging tetep ngugemi ciri khasé, ya iku antarané werna sing cerah lan motif ukuran gedhé.[6]

Busana Batik[besut | besut sumber]

Iwan Tirta wis kasil ndokumentasèaké limang èwu luwih désain batik Indonésia lan karya batiké diterbitaké déning médhia intemasional. Désain batiké wis diperagaaké ing punjul 38 nagara lan ing tingkat nasional Iwan Tirta ndésain busana seragam sawetara perusahaan, mligi ndésain busana batik kanggo para kepala nagara nalika konferènsi APEC ing Jakarta.[7]

Liya-liyané[besut | besut sumber]

Gladri[besut | besut sumber]

Sawetara \bgladri\b kanggo mamèraké produk batik Iwan Tirta antarané dumunung ing:

  • Jl. Wijaya XIII No. 11A, Jakarta Selatan
  • Pasaraya Grande 4th Floor, East Building
  • Jl. Iskandarsyah II/2, Jakarta Selatan
  • Jl. Panjang Arteri Kedoya No. 21, Jakarta Barat
  • Jl. Panarukan 25, Menteng - Jakarta Pusat

Karya Tulis[besut | besut sumber]

  • Batik, Patterns and Motifs
  • Batik, A Play of Light and Shades

Uga delengen[besut | besut sumber]

Pranala njaba[besut | besut sumber]