Samin Surosentiko

Samin Surosentiko (Blora, 1859-Padang, 1914) utawa kang asring karan Samin, duwé jeneng asli Raden Kohar, iku pelopor Ajaran Samin (Saminisme). Samin Surosentiko lair taun 1859 kanthi jeneng Raden Kohar, ing Ploso Kedhiren, Randublatung, Blora Jawa Tengah. Bapaké Raden Surowijaya utawa kang asring diarani Samin Sepuh. Dhèwèké ngganti jeneng dadi Samin Surosentiko amarga Samin iku jenenge wong ndesa utawa wong cilik. Samin Surosentiko isih kagolong keturunan Kyai Keti ing Rajegwesi, Bojonegoro lan Pangeran Kusumoningayu kang kuwasa ing Kabupatèn Sumoroto (saiki dadi laladan cilik ing Kabupatén Tulungagung) nalika 1802-1826. Samin Surosentika iku sing ngadekake Ajaran Samin kang asring karan Saminisme.