Batagor
 | |
| Panggonan asal | Indonésia |
|---|---|
| Tlatah utawa praja | Bandung |
| Woworan pokok | Tahu lan glepung trigu |
 Buku masakan: Batagor  Médhia: Batagor | |
Batagor yaiku salah siji panganan khas kutha Bandung kang digawé saka tahu lan glepung trigu lan bumbu-bambu liya. Batagor yaiku cekakan saka tembung Baso Tahu Goreng.[1] Baso Tahu Goreng utawa batagor iki digawé saka campuran aci (glepung tapioka) lan daging iwak tengiri, kang banjur digorèng lan dipangan nganggo bumbu kacang sing legi lan rada pedhes, lumrahé ditambah peresan banyu jeruk limau lan kécap.[2]
Jinis panganan iki akèh ing Bandung, Bogor, lan tlatah liya ing Jawa Barat, nanging saiki Batagor wis ngrambah lan disenengi masarakat.[3]
Resèp
[besut | besut sumber]Batagor
- Bahan:
- 250 gr iwak tenggiri, dialusaké
- 250 ml banyu ès
- 250 gr glepung kanji
- 2 lèr godhong brambang, diiris tipis
- 2 lèr slèdri, iris tipis
- 3 bawang putih, dicacah alus
- ½-1 sdt uyah
- ½ sdt mrica bubuk
- 6 buah tahu putih, ukuran 4 x 4 x 2 cm
- 8 lembar kulit pangsit
- lenga kanggo nggorèng
- Pelengkap:
- kécap legi
- saus lombok
- jeruk nipis
- saus kacang
Cara nggawé:
- Campur iwak lan banyu ès, diuleni nganti adonan kecampur. Tambahke glepung kanji, godhong bawang, slèdri, bawang putih, mrica lan uyah, dikudhak. Adonan dibagi dadi 3, kanggo isi tahu, isi pangsit lan sijiné kanggo bakso.
- Tahu diiris miring dadi 2 pérangan (bentuk segitiga). Tahu dibolongi ing tengahé, remah-remahé disisihaké. Adonan kanggo isi tahu dicampur karo remah-remah tahu, banjur diisikaké ing sajeroning tahu. Lakokaké tekan kabèh tahu keisi. Jupuk saklembar kulit pangsit, diisi nganggo adonan iwak,lakokaké tekan kulit pangsit entek.
- Minyak goreng dipanasake ing wajan, kanggo nggoreng tahu isi lan pangsit tekan wernané kuning semu coklat.
- Jupuk adonan iwak, diwangun kanthi 2 sendhok, langsung dilebokake sajeroning lenga panas. digoreng tekan wernane kuning semu coklatan.
- Wadhahake tahu isi, pangsit lan bakso goreng ing dhuwur piring saji, lan diwènèhi siraman saos kacang. Dipangan kanthi saus lombok lan kecap, uga bisa diwenenhi peresan jeruk nipis.[4]
Bumbu kacang:
- Bahan
- 300 gram kacang tanah sing wis goreng
- 2 lombok abang
- 5 siyung bawang putih
- 100 gram gula jawa
- 2 lembar godhong jeruk purut diiris-iris
- 2 sdm saos tomat
- 2 sdm saos sambel
- 400 ml banyu mateng
Cara nggawe:
- Kabèh bahan dialusake kanthi blender.
- Banjur dimasak ngganggo geni sedheng nganti umeb lan bumbune dadi kenthel.[5]
Kandungan gizi
[besut | besut sumber]Gizi ing batagor lumayan akèh, apamaneh bakul menenhi inovasi kanthi nyampurake sayuran, iwak kaya tenggiri lan tuna. Kakehan bakul batagor nganggo campuran iwak tenggiri. Iwak sing jeneng ilmiah 'Scomberomorus Commerson' duwé manfaat kaya Omega 3 kanggo njaga keséhatan jantung, ngedhunake tekanan darah, uga lelara liya sing ana hubungane karo penyumbatan pembuluh darah, sarta neken pertumbuhan sèl-sèl kanker. Iwak tenggiri uga ngandhut akèh protéin.[6]
Sajarah
[besut | besut sumber]Ana 2 pendhapat kang ngadhakake sajarah batagor, yaiku;
- Pendhapat 1: Sawijining dina ana mahasiswa kang kuliah ing perguruan tinggi ing Bandung kang lagi sibuk nggarap TA tekan wayah wengi. Sawijining wengi dhèwèké krasa luwe banjur metu saperlu golèk panganan. Dhèwèké ketemu bakul bakso nanging bakul mau ora gelem nglayani amarga wis wengi lan bakal rugi. Kanggo nglangi rasa luwe dhèwèké terus meneho saran kanggo bakul bakso supaya nggoreng bakso tahu iku. Bakul mau sarujuk lan tanpa sadhar, dhèwèké wis nemu resep panganan anyar saka panganan sing wis ana sadurungé. Saka kono, jenenge batagor tinemu, yaiku singkatan saka Bakso Tahu Goreng.[6]
- Pendhapat 2:Awale, bakul batagor dimulai ing tlatah Kopo déning bapak Isan taun 1973, saéngga dikenal kanthi jeneng Batagor Isan, banjur pirang-pirang taun sawisé, pengusaha batagor tambah akèh, malah uga ana rumah makan kang mirunggan nyiapake batagor.[7]
Jinis-jinis batagor
[besut | besut sumber]Cathetan suku
[besut | besut sumber]- ↑ [1] Archived 2013-12-02 at the Wayback Machine. Batagor (diaksés tanggal 8 September 2011)
- ↑ [2] Batagor (diaksés tanggal 8 September 2011)
- ↑ [3] Archived 2011-09-02 at the Wayback Machine. Batagor (diaksés tanggal 8 September 2011)
- ↑ [4] Archived 2023-10-07 at the Wayback Machine. Batagor (diaksés tanggal 9 September 2011)
- ↑ [5] Archived 2011-09-12 at the Wayback Machine. Batagor (diaksés tanggal 9 September 2011)
- ↑ a b c [6][pranala mati permanèn] Batagor (diaksés tanggal 9 September 2011)
- ↑ [7] Batagor (diaksés tanggal 9 September 2011)
- ↑ [8] Archived 2012-09-18 at the Wayback Machine. Batagor (diaksés tanggal 8 September 2011)
- ↑ [9] Archived 2013-12-02 at the Wayback Machine. Batagor.org (diaksés tanggal 8 September 2011)
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |