Pèmpèk

Saka Wikipédia Jawa, bauwarna mardika basa Jawa
Pèmpèk
Pèmpèk kapal selam lan kulit iwak, sarta cuko
Panggonan asalIndonesia
Tlatah utawa prajaSumatera Selatan
Woworan pokokDaging iwak, sagu, endhog pitik, banyu mateng, uyah
VariasiPempek kapal selam, pempek endhog gedhé, pempek kapal selam kecil, pempek endhog cilik, pempek kriting, pempek kulit, pempek tahu, pempek pistel, pempek urang, pempek belah, pempek panggang, pempek lenggang, dsb
Buku masakan: Pèmpèk  Médhia: Pèmpèk

Pèmpèk utawa empèk-empèk yaiku panganan khas Palembang kang digawé saka iwak lan sagu.[1] Pempek disuguhake karo saos wernane ireng kecoklatan kang diarani cuka utawa cuko (basa Palembang).[1] Cuko digawé saka banyu mateng kang ditambah gula aren, urang ebi, ulegan lombok rawit, bawang, lan uyah

Jinising pempek[besut | besut sumber]

Pempek nduwé sapérangan jinis kaya ta:[2]

  • Pempek Lenjer

Pempek Lenjer minangka jinis pempek kang dianggo kanggo nggawé laksan, yaiku sawijining panganan khas Palembang kang duduhe kuning kaya duduh lontong sayur. Lenjer bisa digoreng lan dipangan bareng duduh cuko. Rasane pada karo pempek kapal selam nanging ora ana isiné endhog.

  • Pempek Lenggang

Pempek lenggang minangka pempek kang dicampur endhog bèbèk lan dibungkus godhong gedhang kang diwangun kaya piring banjur dibakar. Pempek lenggang panggang iki luwih akèh disenengi tinimbang pempek lenggang goreng.

  • Pempek Tunu

Mujudake pempek kang nalika nggawéne ora kena lenga klentik babar pisan. Sawisé diwangun bunder-bunder lan diisi, pempek iki langsung dibakar.

  • Pempek Kriting

yaiku pempek kang wujudé kriting lan padatan ora tau digoreng déning wong Palembang

  • Pempek Pastel

yaiku pempek kang isiné katès enom.

Cathetan suku[besut | besut sumber]

  1. a b "Pempek atau Empek-empek". Diarsip saka sing asli ing 2011-08-10. Dibukak ing 2011-08-12.
  2. Mau Coba 15 Macam Pempek? (12 Agustus 2011)