Karédhok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Karédhok

Karédhok iku panganan khas dhaérah Jawa Kulon. [1]Panganan iki unik awit kabèh janganan kang digawé isih seger.[1] Janganan kang digawé karédhok ora dimasak dhisik saéngga ngandhut gizi lan serat kang akèh.[1] Kang mbédakaké karédhok karo lotèk ya iku karedhok janganané mentah yèn lotèk digodhog dhisik.[2] Kang mbédakaké karédhok karo salad ya iku yèn karédhok diwuwuri sambel kacang déné salad nganggo saus mayonès.[2] Karédhok kalebu panganan kang séhat awit ora ngandhut pengawét, ora kadaluwarsa, lan ora ngandhut zat-zat kang marakaké kanker.[3]

Sambel[sunting | sunting sumber]

Sambel karedhok digawé saka kacang brol kang diocéki lan digoréng.[4] Bumbu-bumbu kanggo nggawé sambel yaiku lombok rawit, lombok abang kriting, asem, ketéla rambat kang digodhog.[4] Bumbu-bumbu iki banjur diuleg ing cowèk lan dicampur bumbu kacang brol, yèn wis alus banjur diwènèhi banyu putih lan dicampur nganti rata. [4]

Janganan[sunting | sunting sumber]

Janganan kang digawé karédhok yaiku kacang lanjaran kang isih enom, godhong kol, godhong ketéla pohung kang wis digodhog, timun, kecambah utawa taugé dikethok-kethok lan dicampur.[5] Janganan iki banjur diwènèhi bumbu kacang.[5] Karédhok uga biyasa diwènèhi tambahan krupuk.[5] Karédhok uga bisa digawé saka bahan leunca.[5] Karédhok kang digawé saka leunca diarani karedhok leunca.[5]

Chatetan suku[sunting | sunting sumber]

  1. ^ a b c (id)inforesep.com(dipunundhuh tanggal 31 Mei 2011)
  2. ^ a b (id)kompasiana.com(dipunundhuh tanggal 31 Mei 2011)
  3. ^ (id)matakita.net(dipunundhu tanggal 31 Mei 2011)
  4. ^ a b c (id)tempointeraktif.com(dipunundhuh tanggal 31 Mei 2011)
  5. ^ a b c d e (id)kitabmasakan.com(dipunundhuh tanggal 31 Mei 2011)
Sumber artikel punika saking kaca situs web: "http://jv.wikipedia.org/w/index.php?title=Karédhok&oldid=830169"