Gunané kopi

Saka Wikipédia Jawa, bauwarna bébas abasa Jawa

Merge-short arrows 2.svg

Ana usul supaya artikel utawa bagéan saka artikel iki digabungaké karo artikel kopi.   (dirembug)

Disambig variants icon.svg
Kopi Indonésia

Gunané Kopi kajaba pancèn mènèhi kanikmatan kanggo kang ngombé, uga duwé kasiat tumrap kaséhatan.[1] Miturut Harvard Women’s Health, ana pitu paédah kopi ya iku kanggo diabetes, kanker, sirosis, panyakit Parkinson, panyakit jantung, stroke, lan fungsi kognitif.[2]

Diabetes[besut | besut sumber]

Saka 20 penelitian kang wis dilakoni ing sakupengé donya, nuduhké yén kopi bisa nyuda résiko diabetes tipe-2 nganti tekan 50%.[2] Miturut para peneliti, kadadéan kasebut diduga saka asam klorogenik kang dikandhut kopi duwéni guna kanggo ngalonke penyerapan gula ing pencernaan.[2] Asam klorogenik uga bisa mancing ngrembakane GLP-1, ya iku zat kimia kang bisa nambahi produksi insulin ( hormon sing ngatur penyerapan gula sajroning sel – sel).[2] Saengga bisa nyegah resistensi insulin, minangka pratandha anane diabetes tipe-2.[3] Zat liyane kang dikandhut kopi ya iku trigonelin (pro vitamin B3) kang uga bisa nyengkuyung kanggo ngalonke penyerapan glukosa.[2] Penelitian sing anyar nyebutke tumrap wong kang ngombe kopi 4 cangkir sedina, duwé resiko nandang diabetes tipe-2 luwih cilik tinimbang wong kang ora tau ngombe kopi.[4] Ananging kopi kang diombe ya iku kopi reguler utawa kopi ''decaf'' kanthi kadar kafein sing dikurangi.[3]

Kanker[besut | besut sumber]

Kasil riset kanthi konsisten nuduhakè yèn kopi bisa nyuda résiko kanker hati, kanker payudara lan kanker usus besar.[2] Ngancik menopause, wanita kang ngombè kopi 4 cangkir saben dinanè duwé résiko nandang kanker payudara luwih cilik nganti tekan 38%.[3] Mangkono mau miturut studi kang kapacak ing The Journal of Nutrition.[3] Kopi ngandhut phytoestrogen lan flavonoid kang bisa nahan ngembakane tumor.[3]

Sirosis[besut | besut sumber]

Kopi bisa uga njaga ati saka sirosis, kang utama sirosis amarga mendem alkohol.[2] Salah sijining penelitian kang dilakoni déning para peneliti AS nuduhke yèn ngombe kopi 2 cangkir saben dinane bisa nyuda risiko kena kanker hati nganti tekan 43%.[4] Miturut Dr. Arthur Klatsky saka divisi peneliti ing Oakland, California kang nglakoni survey tumrap 125.000 wong, separone minangka pecandu alkohol.[1] Kasil penelitian nuduhke yèn ngombe kopi sak cangkir saben dina bisa nyuda 80% risiko infeksi ati amarga mendem alkohol.[1] Kopi bisa nyaring racun saka alkohol kang ana sajroning getih manungsa.[1] Ananging para peneliti durung bisa ngandharake bahan apa kang dikandhut kopi saengga bisa nyaring racun alkohol.[1]

Panyakit Parkinson[besut | besut sumber]

Uwong – wong kang ngombe kopi duwé resiko luwih cilik nandang Parkinson tinimbang kang ora ngombe.[2] Kopi kang ngandhut kafein kasebut ora bakal ngrembakakake panyakit Alzheimer lan Parkinson.[3] Kandhutan antioksidan sajroning kopi bakal njaga sel kang ana gegayutane karo Parkinson supaya ora rusak. Dene Kafein bakal nyegah peradangan sajroning otak, sing asring digayutake karo Alzheimer.[3]

Panyakit jantung[besut | besut sumber]

Kopi bisa nyuda resiko nandang panyakit jantung.[2] miturut penelitian sing kapacak ing Arteriosclerosis, Thrombosis, and Vascular Biology, jurnal Asosiasi Jantung Amerika ngandharake yèn adat padinan ngombe kopi lan the diduga bisa nyuda resiko penyaki jantung.[5] Wong kang ngombe kopi 2 nganti 4 cangkir saben dinane duwé resiko 20% luwih cilik nandang panyakit jantung tinimbang wong kang ngombe kopi kurang saka 4 cangkir.[5] Kopi ngandhut antioksidan kang luwih akèh tinimbang blueberry.[4] Antioksidan iku kang bisa njaga jantung uga nyuda efek rusak amarga peradangan arteri.[4] Kopi uga bisa nyuda tensi getih lan ngambakake pembuluh darah sing bakal ndadekake lakune getih luwih gancar.[4]

Stroke[besut | besut sumber]

Ngombe sak cangkir kopi saben dina bisa nyuda resiko stroke utamane kanggo wong wadon.[6] Mangkono kasil penelitian sing dilakoni déning para peneliti saka ''Divisi Nutrisi Epideniologi, National Institute of Enviromental Medicine, Karolinska Institute ing Stockholm'', Swedia durung suwe iki.[6] Penelitian mau dilakoni tumrap 34.670 wanita kang umure saka 48 taun nganti tekan 83 taun.[6] Banjur ditemokake yèn wanita sing asring ngombe kopi bisa nyuda resiko nandang stroke nganti tekan 25%.[6] Mangkono uga kang ditemokake miturut studi tumrap wong lanang ing Finlandia.[2] Ananging sanadyan paedah kopi iku gedhé tumrap kaséhatan, diwanti – wanti supaya ora ngombe kopi kanthi luwih.[6]

Fungsi kognitif[besut | besut sumber]

Studi tumrap 4.197 wong wadon lan 2.820 wong lanang ing Perancis nuduhke yèn ngombe kopi sawetara 3 cangkir saben dina bisa nyegah sudane fungsi kognitif otak dumadi saka umur kang saya tuwa nganti tekan 33% tumrap wong wadon.[2] Ananging paedah mau ora ditemokake tumrap wong lanang amarga wong wadon luwih peka karo kafein.[2] Kopi ngandhut antioksidan kang bisa ngrewangi gancarake neurotransmitter sing bakal ningkatake kerja fungsi otak.[4]

Cathetan suku[besut | besut sumber]

  1. ^ a b c d e www.beritaterkini.asia (diunduh tanggal 22 April 2011).
  2. ^ a b c d e f g h i j k l majalahkesehatan.com (diunduh tanggal 22 April 2011).
  3. ^ a b c d e f g female.kompas.com (diunduh tanggal 22 april 2011)
  4. ^ a b c d e f kesehatan.liputan6.com (diunduh tanggal 22 april 2011)
  5. ^ a b www.tempointeraktif.com(diunduh tanggal 22 april 2011)
  6. ^ a b c d e kesehatan.liputan6.com (diunduh tanggal 22 april 2011)