Hormon

Saka Wikipédia Jawa, bauwarna bébas abasa Jawa
Jump to navigation Jump to search

Hormon (saka basa Yunani, όρμή: horman - "kang ngobahaké") iku panggawa pesen kimiawi sèl utawa golongan sèl siji lan sijiné. Kabèh organisme multiselular, kalebu tetanduran (deleng artikel hormon tetanduran), mrodhuksi hormon.


Faktor Régulasi[besut | besut sumber]

Faktor régulasi iku senyawa kimia kang ngontrol prodhuksi sapérangan hormon kang duwé fungsi wigati kanggo badan. Senyawa mau dikirim menyang lobus anterior kelenjar pituitari déning hipotalamus. Ana 2 faktor regulasi, ya iku faktor pangucul (releasing factor) kang njalari kelenjar pituitari nyèkrèsikaké hormon tinentu lan faktor panyandhet (inhibiting factor) kang bisa ngendhegaké sèkrèsi hormon mau. Minangka conto ya iku FSHRF (faktor pangucul FSH) lan LHRF (faktor pangucul LH) kang njalari uculé hormon FSH lan LH.

Hormon Antagonistik[besut | besut sumber]

Hormon antagonistik arupa hormon kang duwé èfèk walikan, contoné glukagon lan insulin. Nalika kadhar gula getih asor banget, pankreas bakal mrodhuksi glukagon kanggo ngundhakaké manèh. Kadhar glukosa kang dhuwur njalari pankreas mrodhuksi insulin kanggo ngedhunaké kadhar glukosa mau.

Réferènsi[besut | besut sumber]