Kécap

Saka Wikipédia Jawa, bauwarna bébas abasa Jawa
Kecap kang rasané asin lan legi saka mêrek ABC

Kécap ya iku salah siji bumbu utawa panyedhep masakan kang wujudé cuwèran kang wernané ireng.[1] Kécap rasané ana kang legi lan ana uga kang asin.[1] Bahan dhasar kanggo nggawé kécap ya iku kedhelé utawa kedhelé ireng.[1] Ananging ana uga kécap kang digawé saka banyu klapa. Kécap kang digawé saka banyu klapa lumrahé rasané asin.[1] Kécap legi biyasané kenthel lan digawé saka kedhelé ananging kécap asin lumrahé luwih èncèr lan digawé saka kedhelé kanthi komposisi uyah kang luwih akèh, utawa ana uga kang digawé saka iwak segara.[1] Saliyané saka bahan dhasar kedhelé utawa kedhelé ireng lan banyu klapa, kécap uga ana kang digawé saka ampas padhet saka ampas tahu.[1]

Carane nggawé[besut | besut sumber]

Lumrahé kécap digawé lan diprodhuksi ing usaha kang skalané cilik utawa menengah, saliyané iku kécap uga dadi usaha rumah tangga.[2] Ananging saben indhustri kécap nduwé bumbu rahasia utawa resep mirunggan saéngga rasané kécap kang diasilaké duwé rasa kang luwih énak yèn dibandhingaké kécap liyané.[2] Carané nggawé kécap, sepisanan kedhelé diferméntasi karo kapang Aspergillus sp. lan Rhizopus sp. [2] Dele banjur dadi kaya témpé kedhelé.[2] Témpé iki banjur digaringaké lan direndhem ing larutan uyah.[2] Uyah kalebu senyawa kang selektif karo mikroba.[2] Mung mikroba kang tahan uyah kang bisa thukul ing rendheman kedhelé iki.[2] Mikroba kang thukul ing rendeman banyu dhele iki racaké mikroba jinis khamir lan baktèri kang tahan uyah kaya ta khamir Zygosaccharomyces lan bakteri susu Lactobacillus.[2] Mikroba iki bisa ngrombak protein dadi asam-asam amino lan komponèn rasa lan aroma.[2] Saliyané iku bakteri jinis iku uga ngasilaké asam.[2]Fermentasi bisa dadi yèn kadar uyah dhuwur ya iku antarané 15 nganti 20%.[2] Bahan-bahan kang dibutuhaké kanggo nggawé kécap ya iku kedhelé, uyah, lan laru tempé.[2]

Cathetan suku[besut | besut sumber]

  1. ^ a b c d e f scribd.com(dipunundhuh tanggal 17 Juni 2011)
  2. ^ a b c d e f g h i j k l Pembuatan kecap pada situs Warintek iptek.net.id(dipunundhuh tanggal 17 Juni 2011)