Baktèri

Saka Wikipédia Jawa, bauwarna mardika basa Jawa
(Kaelih saka Bakteri)

Baktèri, saka tembung Latin bacterium (jamak, bacteria), iku golongan raseksa saka organisme urip. Baktèri iku cilik banget (mikroskopik) lan akèh-akèhé unisèlular (sèl tunggal), kanthi struktur sèl sing rélatif prasaja tanpa nukleus/inti sel, cytoskeleton, lan organel liya kaya mitokondria lan kloroplas. Struktur sèl baktèri dijlentrèhaké luwih pepak sajeroning artikel ngenani prokariota, amarga baktèri minangka prokariota, kanggo mbédakaké saka organisme sing duwé sèl luwih komplèks, diarani eukariota. Jeneng "baktèri" wis ditrapaké kanggo kabèh prokariota utawa kanggo golongan gedhéné, gumantung marang panyaru ngenani gayutané.

Baktèri iku sing paling akèh saka kabèh organisme. Baktèri kasebar ing lemah, banyu, lan minangka simbiosis saka organisme liya. Akèh patogen wujud bakteri. Akèh saka baktèri, padatan ukurané mung 0,5-5 μm, sanajan ana jinis sing ukurané bisa nganti 0,3 mm ing dhiamèteré. Padatan duwé dinding sèl kaya ta kéwan lan jamur, nanging kanthi komposisi béda banget (peptidoglikan). Akèh obah nganggo flagela sing béda ing struktur saka flagela golongan liya.

Baktèri patogen[besut | besut sumber]

Minangka golongan bakteri parasit sing nimbulaké lelara ing manungsa, sato kéwan lan tetuwuhan.

Baktèri jalaran lelara ing manungsa:

No. Jeneng baktèri Lelara sing ditimbulaké
1. Salmonella typhosa Tipes
2. Shigella dysenteriae Disentri basiler
3. Vibrio comma Kolèra
4. Haemophilus influenza Influensa
5. Diplococcus pneumoniae Pneumonia (radhang paru-paru)
6. Mycobacterium tuberculosis TBC paru-paru
7. Clostridium tetani Tétanes
8. Neiseria meningitis Meningitis (radhang selaput polo)
9. Neiseria gonorrhoeae Gonorrhaeae (kencing nanah)
10. Treponema pallidum Sifilis utawa Lues utawa raja singa
11. Mycobacterium leprae Lépra (kusta)
12. Treponema pertenue Puru utawa pathèk

Baktèri jalaran lelara ing kéwan:

No. Jeneng baktèri Lelara sing ditimbulaké
1. Brucella abortus Brucellosis ing sapi
2. Streptococcus agalactia Mastitis ing sapi (radang payudara)
3. Bacillus anthracis Antraks
4. Actinomyces bovis Bengkak rahang ing sapi
5. Cytophaga columnaris Lelara ing iwak

Baktèri jalaran lelara ing tetuwuhan:

No. Jeneng baktèri Lelara sing ditimbulaké
1. Xanthomonas oryzae Nyerang pucuk wit pari
2. Xanthomonas campestris Nyerang tuwuhan kubis
3. Pseudomonas solanacaerum Lelara alum sajeroning famili térong-térongan
4. Erwinia amylovora Lelara bonyok ing woh-wohan

Uga delengen[besut | besut sumber]

Réferènsi[besut | besut sumber]

  1. Woese CR, Kandler O, Wheelis ML (1990). "Towards a natural system of organisms: proposal for the domains Archaea, Bacteria, and Eucarya". Proceedings of the National Academy of Sciences of the United States of America. 87 (12): 4576–9. Bibcode:1990PNAS...87.4576W. doi:10.1073/pnas.87.12.4576. PMC 54159. PMID 2112744.{{cite journal}}: CS1 maint: multiple names: authors list (link)
  2. "Bacteria (eubacteria)". Taxonomy Browser. NCBI. Dibukak ing 2008-09-10.
  3. Woese CR, Fox GE (1977). "Phylogenetic structure of the prokaryotic domain: the primary kingdoms". Proceedings of the National Academy of Sciences of the United States of America. 74 (11): 5088–90. Bibcode:1977PNAS...74.5088W. doi:10.1073/pnas.74.11.5088. PMC 432104. PMID 270744.

Pratélan pustaka[besut | besut sumber]

Pranala njaba[besut | besut sumber]