Peptidoglikan

Saka Wikipédia Jawa, bauwarna mardika basa Jawa
Struktur molekul peptidoglikan, unit panyusune wujud asem-N-asetil muramat (kiwa) lan asem-N-asetil glukosamin (tengen) kang digandhengake déning pangiket β-1,4.

Peptidoglikan (murein) ya iku polisakarida kang kasusun saka rong gula turunan ya iku asem-N-asetil glukosamin sarta asem-N-asetil muramat kang digandhengake déning pangiket β-1,4, lan sawijining rante peptida endhek kang tuladhané kasusun saka asem amino l-alanin, d-alanin, d-asem glutamat, lan l-lisin utawa asem diaminopimelik (DAP)-asem amino langka kang mung tinemu ing dhindhing sel prokariot.[1][2] Peptidoglikan ya iku komponèn utama dinding sel bakteri kang asipat kaku lan tanggungjawab kanggo njaga integritas sel sarta nemtokake wujudé.[1] Struktur dhasar peptidoglikan ya iku sawijining selubung kang nutupi sel kang kasusun saka utas-utas peptidoglikan kang jinejeran siji marang sijiné lan digandhengake déning pangiket silang tetrapeptida kang digawé saka asem amino.[2]

Peptidoglikan mung tinemu ing spésies bakteri, tuadhane Staphylococcus aureus, nanging ora kabèh bakteri duwé DAP ing peptidoglikane.[2] Peptidoglikan tinemu ing bakteri gram positif lan bakteri gram négatif, nanging kanthi struktur kang béda sithik. Bakteri gram positif duwé dhindhing sel kang kasusun saka pisan peptidoglikan kang luwih kandel, déné bakteri gram négatif duwé lapisan peptidoglikan kang luwih tipis lan duwé struktur lipopolisakarida kang kandel.[3][4] Metode kang minangka mbedakake sakloron jinis golongan bakteri iki dikembangakendéning ilmuwan Dhènemarken, Hans Christian Gram taun 1884.[3] Ana punjul 100 jinis peptidoglikan kang béda kang wis dingerteni.[2]

Uga delengen[besut | besut sumber]

Cathetan suku[besut | besut sumber]

  1. a b Hogg S. 2005. Essential Microbiology. West Sussex: John Wiley & Sons Ltd.
  2. a b c d Madigan MT, Martinko JM, Brock TD. 2006. Brock Biology of Microorgnisms. New Jersey: Pearson Prentice Hall. Hal: 75-77. ISBN 0-13-196893-9
  3. a b Davidson MW. 2009. Bacteria Cell Structure. http://micro.magnet.fsu.edu/cells/bacteriacell.html. Diundhuh tanggal 22 Juni 2011.
  4. Todar K. 2008. Online Textbook of Bacteriology. http://www.textbookofbacteriology.net/index.html [diundhuh tanggal 21 Juni 2011].


Cithakan:Bakteri-stub