Lisozim

Saka Wikipédia Jawa, bauwarna bébas abasa Jawa
Kristal lisozim.
Struktur lisozim adhedhasar analisis ngangggosinar-X

Lisozim ya ikuenzim kang medhotake ikatan β-1,4-glikosida antarané asam-N-asetil glukosamin karo asam-N-asetil muramat ing peptidoglikan saéngga bisa ngrusak dinding sel bakteri.[1] Banyu banjur bisa mlebu ing jero sel lan nyebabake sel mlembung lan pungkasane pecah, prosès mau sinebut lisis.[1] Lisozim bisa tinemu ing sekresi kéwan kalebu luh, saliva, lan cuwèran badan kang liyané minangka mekanisme pertahanan badan tumrap infeksi bakteri.[1] Lisozim bisa matèni bakteri yèn lingkungan panggonan bakteri mau ora ana ing kaanan isotonis ya iku konsèntrasi zat terlarut ing jero sel lan ing jaba sel (lingkungan) seimbang saéngga sanajan dinding sel bakteri pecah, banyu ora bakal mlebu ing sel lan lisis ora kedadeyan.[1] Ing kéné, sel kng wis kelangan dinding sel mau diarani minangka protoplas.[2] Kaanan isotonis mau bisa digawé kanthi nambahake zat terlarut kaya ta sukrosa ing lingkungan sel (biyasane arupa cuwèran kaya ta banyu).[1] Suwalikke, yèn sel ana ing lingkungan kang hipotonis ya iku konsèntrasi zat terlarut ing jero sel luwih dhuwur tinimbang lingkungane, banyu bakal berdifusi mlebu ing jero sel lan nyebabake sel pecah (lisis).[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f Madigan MT, Martinko JM, Brock TD. 2006. Brock Biology of Microorgnisms. New Jersey: Pearson Prentice Hall. Hal: 78. ISBN 0-13-196893-9
  2. ^ Hogg S. 2005. Essential Microbiology. West Sussex: John Wiley & Sons Ltd.


Cithakan:Bakteri-stub