Staphylococcus aureus

Staphylococcus aureus
Klasifikasi ngèlmiah
Dhomain:	Bacteria
Karajan:	Eubacteria
Filum:	Firmicutes
Klas:	Bacilli
Ordho:	Bacillales
Famili:	Staphylococcaceae
Génus:	Staphylococcus
Spésies:	S. aureus
Jeneng binomial
	Staphylococcus aureus; Rosenbach 1884

Staphylococcus aureus (S. aureus) ya iku bakteri gram positif kang ngasilaké pigmen kuning, asipat aerob fakultatif, ora ngasilaké spora lan ora motil, racaké urip kanthi pasang-pasangan lan golongan, kanthi diameter sakiwa-tengené 0,8-1,0 µm.^[1]^[2] S. aureus urip kanthi optimum ing suhu 37^oC kanthi wektu pambelahan 0,47 jam.^[3] S. aureus minangka mikroflora normal manungsa^[3]. Bakteri iki lumrahé ana ing saluran pernafasan dhuwur lan kulit^[1]^[4]. Anane S. aureus ing saluran pernafasan dhuwur lan kulit ing individu jarang nyebabake lelara, individu séhat lumrahé mung duwé peran minangka karier ^[1]. Infeksi serius bakal kedaden nalika resistensi inang dadi loyo amarga anané owahing hormon; anané lelara, tatu, utawa perlakuan nggunakaké steroid utawa obat liya kang ngusadani imunitas saéngga ndadèkaké loyoning inang^[1].

Infeksi S. aureus diasosiasekake kanthi pirang-pirang kondisi patologi, ing antarané wudun, kukul, pneumonia, meningitis, lan arthritits^[1]. Akeh-akèhé lelara kang disebabake déning bakteri iki mroduksi nanah, nula bakteri iki diarani piogenik^[1]. S. aureus uga ngasilaké katalase, ya iku enzim kang ngonversi H₂O₂ dadi H₂O dan O₂, lan koagulase, enzim kang nyebabake fibrin ngoagulasi lan mbentuk gumpalan^[1]. Koagulase diasosiasekake kanthi patogenitas amarga panggumpalan fibrin kang disebabake déning enzim iki kaakumulasi ing kiwa-tengené bakteri saéngga agen pelindung inang kangelan ngancik bakteri lan fagositosis kagondeli^[1].

Mikrobiologi

S. aureus kalebu bakteri osmotoleran, ya iku bakteri kang urip ing lingkungan kanthi rentang konsèntrasi zat terlarut (tuladhané uyah) kang amba, lan bisa urip ing konsèntrasi NaCl sakiwa-tengené 3 Molar.^[3] Habitat alami S aureus ing manungsa ya iku ing daerah kulit, irung, cangkem, lan usus gedhé, lan wetu iku kaanan sistem imun normal, S. aureus ora asipat patogen (mikroflora normal manungsa).^[3]

Quorum Sensing

S. aureus duwé kaprigelan Quorum sensing nggunakaké sinyal oligopeptida kanggo mroduksi toksin lan faktor virulensi.^[3]

Cathetan suku

1 2 3 4 5 6 7 8 Madigan MT, Martinko JM, Dunlap PV, Clark DP. 2008. Biology of Microorganisms 12th edition. San Francisco: Pearson.
↑ [WHO] World Health Organization. 2004. Guidelines for Drinking-water Quality 3rd Edition. Geneva: World Health Organization.
1 2 3 4 5 Prescott LM, Harley JP, Klein DA. 2002. Microbiology. 5th Ed. Boston: McGraw-Hill.
↑ Honeyman AL, Friedman H, Bendinelli M. 2001. Staphylococcus aureus Infection and Disease. New York: Plenum Publishers.

Uga delengen

Cithakan:Klasifikasi bakteri BABIIIIIIIIIIITTCCHHHH

[Madigan-1] 1 2 3 4 5 6 7 8 Madigan MT, Martinko JM, Dunlap PV, Clark DP. 2008. Biology of Microorganisms 12th edition. San Francisco: Pearson.

[WHO-2] [WHO] World Health Organization. 2004. Guidelines for Drinking-water Quality 3rd Edition. Geneva: World Health Organization.

[Prescott-3] 1 2 3 4 5 Prescott LM, Harley JP, Klein DA. 2002. Microbiology. 5th Ed. Boston: McGraw-Hill.

[Honeyman-4] Honeyman AL, Friedman H, Bendinelli M. 2001. Staphylococcus aureus Infection and Disease. New York: Plenum Publishers.

[1]

[2]

[3]

[4]