Meningitis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Meningitis
Klasifikasi lan bahan-bahan èksternal
Selaput otak ing sistem saraf pusat: dura mater, araknoid, and pia mater.
ICD-10 G00-ICD-10 Chapter G|G03
ICD-9 320-322
DiseasesDB 22543
MedlinePlus 000680
eMedicine med/2613  emerg/309 emerg/390
MeSH D008581

Meningitis inggih punika penyakit amargi wonten infèksi ing meninges ingkang nutupi utek lan sumsum tulang belakang.[1] Meninges inggih punika tiga lapisan jaringan ikat ingkang kawangun saking pia mèter (paling celak tumuju organ-organ sistem saraf), arachnoid, lan dura mèter (paling tebih saking utek lan sumsum tulang belakang).[1] Meningitis saged dipunjalari dèning manéka jinis organisme, kadosta virus, baktèri, utawi jamur ingkang nyebar mlebet wonten salebeting getih lan pindhah tumuju salebeting cairan utek ingkang saged njalari meninges aboh.[2] Meninges ingkang aboh punika saged njalari karusakan ingkang wigati ing saraf, utek, lan sumsum tulang belakang.[2]

Penyebab[sunting | besut sumber]

Meningitis ingkang dijalari dèning virus padatanipun boten mbebayani amarga saged mantun tanpa tetamba kaliyan pangrumatan ingkang wigati.[2] Nanging, meningitis ing dijalari dèning baktèri bisa dados kahanan ingkang wigati sanget, kadosta rusakipun saraf utek, icalipun pangrungon, kirangipun kemampuan sinau, ugi saged nyebabaken tilar donya.[2] Déné meningitis ingkang dijalari jamur arang-arang sanget, amargi jinis punika padatanipun nyerang tiyang ingkang ngalami karusakan sistem immun (daya tahan badan) kadosta tiyang ingkang kenging AIDS.[2]

Baktèri ingkang njalari meningitis inggih punika:

  1. Streptococcus pneumoniae (pneumococcus). Baktèri punika ingkang paling umum njalari meningitis ing bayi utawi bocah cilik. Jinis baktèri punika ugi saged njalari infeksi pneumonia, kuping, lan rongga irung (sinus).[2]
  2. Neisseria meningitidis (meningococcus). Bakteri punika dados penyebab kaping kalih ingkang paling kathah nyebabaken meningitis. Meningitis saged kadadosan amrgi wonten infeksi ing saluran ambegan bagéyan inggil lajeng baktèrunipun mlebet ing peredaran getih.[2]
  3. Haemophilus influenzae (haemophilus). Baktèri punika ugi saged njalari meningitis amarga nyebabaken infeksi ing saluran ambegan bagéyan inggil, kuping bagéyan jero lan sinusitis.[2]
  4. Listeria monocytogenes (listeria). Baktèri punika salah satunggaling jinis baktèri ingkang nyebabaken meningitis ingkang ditemokaken ing panggénan reged, wonten bledugipun, kaliyan ing salebeting panganan ingkang sampun terkontaminasi.[2]
  5. Baktèri Staphylococcus aureus [2]
  6. Mycobacterium tuberculosis[2]

Gejala[sunting | besut sumber]

Padatanipun gejala menawi kenging penyakit meningitis inggih punika:

  • ngelu ingkang parah[1]
  • muntah-muntah[1]
  • panas dhuwur[1]
  • gulunipun kaku[1]
  • mripat sakit nalika kenging sinar[1]
  • kulit geseng-geseng[1]
  • Gejala ing bayi (balita) padatanipun angel dipuntitèni. Nanging, padatan bayi dados lemes, menengan (boten aktif), dredegan, muntah, lan boten purun nyusu[2]

Cara Nangani[sunting | besut sumber]

Menawi wonten tandha-tandha utawi gejala kados ing nginggil punika kedah énggal dibeta dhateng griya sakit supados angsal perawatan kasarasan ingkang langkung intensif inggih punika pamariksan fisik lan sapanunggalanipun.[2] Menawi positif kenging meningitis,kedah diparingi antibiotik kanthi cara infus supados saged ngurangi resiko komplikasi.[2] Antibiotik ingkang dipunparingaken gumantung saking jinis baktèri ing ditemokaken ing badan ingkang kenging meningitis.[2]

Cathetan Suku[sunting | besut sumber]

  1. ^ a b c d e f g h (id)Meningitis(dipunundhuh 29 Oktober 2012)
  2. ^ a b c d e f g h i j k l m n o (id)Panyakit Meningitis(dipunundhuh 29 Oktober 2012)
Sumber artikel punika saking kaca situs web: "https://jv.wikipedia.org/w/index.php?title=Meningitis&oldid=1058406"