AIDS

Pita Abang minangka simbol solidaritas kanggo wong sing positif kainfèksi virus HIV lan AIDS.

AIDS iku sindrom kumpulan manéka gejala lan infèksi minangka akibat saka karusakan spésifik sistem kakebalan awak amarga infèksi virus HIV ing manungsa.. AIDS arupa akronim ing basa Inggris saka Acquired Immunodeficiency Syndrome utawa Acquired Immune Deficiency Syndrome ('sindrom dhéfisiènsi imun dapatan'). Jeneng virusé ya iku HIV, arupa singkatan saka Human Immunodeficiency Virus ('virus dhéfisiènsi imun manungsa' utawa 'virus panurun kakebalan manungsa'). Virus sing mèmper HIV ing spésies liya ya iku (SIV, FIV, lan liya-liyané).

HIV lan virus-virus sajinisé ditularké liwat kontak langsung antarané membran mukosa utawa ilènan getih karo cuwèran awak sing ngandhut HIV, kaya ta getih, semèn utawa banyu mani, cuwèran vagina, cuwèran preseminal, lan banyu susu ibu. Transmisi utawa panularan iki bisa dumadi liwat gayutan seksual (vaginal, anal, uga oral), transfusi getih, dom suntik sing kena kontaminasi, ijolan HIV antarané ibu lan bayi nalika meteng, nglairaké utawa nyusoni, sarta kontak liya karo salah siji cuwèran awak kasebut.

Pranala njaba

Pirsani informasi ngenani AIDS ing KamusWiki.

• Situs web Komisi Pananggulangan AIDS Nasional
• Yayasan AIDS Indonésia
• Buah Merah Obat HIV
• Yayasan Spiritia — golongan panyengkuyung saumur déning lan kanggo wong sing nandhang HIV.
• Portal Komunitas AIDS Indonésia
• The Joint United Nations Programme on HIV/AIDS (UNAIDS)
• International AIDS Society — asosiasi independen nimpuna HIV/AIDS internasional
• (ing basa Prancis)sida.fr • un centre pour les malades du SIDA • infos • tèmoingnages • actualités