Eukariota

Saka Wikipédia Jawa, bauwarna bébas abasa Jawa
Eukariota
Kalamangsa: Cithakan:Long fossil range
Eukaryota diversity 2.jpg
Eukaryotes and some examples of their diversity
Klasifikasi ngèlmiah
Dhomain: Eukaryota
Whittaker & Margulis,1978
Karajan
Animalia – Animals
Plantae – Plants
Filogeni alternatif

Eukariota (asalé saka basa Yunani "eu" sing tegesé "becik", lan "karyon" sing tegesé nunjuk ing nuklei sel) iku organisme kanthi sel komplèks, ing ngendi bahan-bahan genetikané disusun dadi nuklei sing kaiket membran. Eukariota kalebu kéwan, tetanduran, lan jamur—sing akèh-akèhé multiselular—sarta manéka golongan liyané sing diklasifikasikaké kanthi kolèktif minangka protista (akèh ing antarané uniselular). Suwaliké, organisme-organisme liyané, kaya ta bakteri, ora duwé nuklei lan struktur sel komplèks liyané; organisme-organisme kaya iku mau disebut prokariota.

Struktur[besut | besut sumber]

Lumrahé, sel eukariota duwé ukuran sing luwih gedhé tinimbang prokariota lan duwé pérangan-pérangan sub-selular sing disebut organel. Béda karo prokariota, DNA eukariota disimpen ing kumpulan kromosom sing kasimpen ing njero nuklei sing kabungkus membran nuklei. Saliyané nglakoni panyigaran sel kanthi aseksual, akèh eukariota uga bisa nglakoni réprodhuksi sèksual liwat prosès fusi sel, sing ora tinemu ing prokariota.

Réprodhuksi[besut | besut sumber]

Réproduksi eukariota dilakoni liwat sigar sel, sing lumrahé dumadi kanthi mitosis, ya iku prosès sigaré inti sel sing njalari sawijining sel anak nampa dhuplikat utawa salinan saben kromosom sing diduwèni sel indhuk. Ing sakèhé eukariota ana uga réprodhuksi sèksual, ing antarané sel haploid, ya iku sel sing mung duwé siji kromosom saka saben pasang kromosom sing diduwèni sel indhuk sing nglibataké prosès fusi inti sel (singami) lan panyigaran kanthi meiosis sing ngasilaké sel diploid, ya iku sel sing duwé pasangan kromosom sing lengkap.

Pranala njaba[besut | besut sumber]