Krajan (biologi)

Saka Wikipédia Jawa, bauwarna mardika basa Jawa
(Kaelih saka Karajan (biologi))
Sistem telung kingdom.
Sistem telung kingdom.

Ing biologi, kang dimaksud Karajan utawa Regnum (basa Inggris: kingdom) iku tataran paling ndhuwur, utawa mèh paling ndhuwur, saka klasifikasi èlmiah makluk urip. Lekasané, mung ana rong karajan: Animalia kanggo kéwan lan Vegetabilia utawa Plantae kanggo tetuwuhan. Para ahli ing mula bukané uga nglebokaké mineral ing karajan Mineralia. Saben karajan dibagi ing sajeroning kelas kang diklumpukaké ing njeron filum (kanggo kéwan) utawa divisi (kanggo tetuwuhan). Ing mburiné, sapérangan karajan anyar wus diwangun lan sistem apa kang dipigunaaké durung disepakati.

Nalika makluk urip sel siji tinemu, panemon anyar iki dipérang dadi rong karajan: kang bisa obah lumebu filum Protozoa, sauntara alga lan bakteri lumebu divisi Thallophyta utawa Protophyta. Nanging ana sapérangan makluk kang dilebokaké ing filum lan divisi, kaya alga kang bisa obah, Euglena, lan jamur yiyid kang mèmper amuba. Amarga anané kabingungan iki, Ernst Haeckel nyaranaké anané karajan katelu, ya iku Protista kanggo nampung makluk urip kang ora duwé ciri klasifikasi kang cetha. Karajan katelu iki lagi populèr saiki (sok nganggo sebutan Protoctista).