Escherichia coli
| Escherichia coli | |
|---|---|
.jpg)
| |
| Klasifikasi ngèlmiah | |
| Dhomain: | Bacteria |
| Filum: | Proteobacteria |
| Klas: | Gammaproteobacteria |
| Ordho: | Enterobacteriales |
| Famili: | Enterobacteriaceae |
| Génus: | Escherichia |
| Spésies: | E. coli |
| Jeneng binomial | |
| Escherichia coli (Migula 1895) Castellani and Chalmers 1919 | |
| Sinonim | |
|
Bacillus coli communis Escherich 1885 | |
Escherichia coli, utawi saged dipunringkes E. coli, inggih punika salah satunggalipun spésies utami baktèri gram négatif.[1] E. Coli punika salah satunggalipun bakteri ingkang gesang wonten ing usus kéwan lan jalmi ingkang boten mbebayani.[1][2] Bakteri punika saged mbiyantu pencernaan wonten ing ususipun manungsa.[2] Bakteri E. Coli ingkang paling mbebayani dipunsebat 0157: H7 amargi ngasilaken racun ingkang banget laranipun lan saged damel mriang manawi wonten ing panganan utawi ombenan.[1] Panganan ingkang boten dipunresiki rumiyin kanthi saé kados bayem, selada, godhong bawang, utawi iwak dhendheng ingkang boten mateng saged njalari infeksi bakteri punika.[1] Saged ugi kanthi konthak langsung antawisipun tiyang kalih ingkang astanipun boten resik. Ngunjuk susu ingkang boten dipunpasteurisasi ugi saged njalari infeksi bakteri E. Coli.[1]
Gejalanipun Infeksi Escherichia Coli
[besut | besut sumber]Gejalanipun tiyang kénging inféksi bakteri punika inggih punika diaré lan weteng lara.[1] Biasanipun nembé ngraosaken sasampunipun tigang ngantos sekawan dinten sasampunipun kénging inféksi bakteri Escherichia Coli.[1] Laré ingkang umuripun nembé gangsal taun lan tiyang ingkang sampun sepuh gampil kénging bakteri punika. Inféksi saged nyebar dhateng sél-sél dharah abrit lan ginjel. Èfèk jangka panjangipun inggih punika ginjel saged risak lan tiyang punika saged séda.[1]
Cathetan suku
[besut | besut sumber]- ↑ a b c d e f g h E. Coli Archived 2011-03-04 at the Wayback Machine.(dipunundhuh tanggal 10 Juni 2011)
- ↑ a b Epidemiology andTransmission of PathogenicEscherichia coli[pranala mati permanèn](dipunundhuh tanggal 10 Juni 2011)
Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |