Jamur merang
| Jamur merang | |
|---|---|
| |
| Volvariella volvacea | |
| Klasifikasi ngèlmiah | |
| Karajan: | Fungi |
| Dhivisi: | Basidiomycota |
| Klas: | Homobasidiomycetes |
| Ordho: | Agaricales |
| Famili: | Pluteaceae |
| Génus: | Volvariella |
| Spésies: | V. volvacea |
| Jeneng binomial | |
| Volvariella volvacea (Bulliard ex Fries) Singer | |
Jamur merang (Volvariella volvacea, sinonim: Volvaria volvacea, Agaricus volvaceus, Amanita virgata utawi Vaginata virgata) ing basa Acèh dipunwastani kulat jeramoe.[1] Jamur merang punika salah setunggaling spésies jamur pangan ingkang kathah dipunbudidayakaken wonten ing Asia Wétan saha Asia Kidul-wétan ingkang gadhah iklim tropis utawi subtropis.[1] Nami jamur merang punika asalipun saking basa Tionghoa cǎogū (Hanzi).[1]
Jamur merang gadhah wangun bunder kados tigan.[1] Jamur merang warninipun coklat peteng|coklat peteng ngantos klawu saha dipuntutupi mawi selubung.[1] Jamur merang ingkang diwasa gadhah cawan ingkang warninipun coklat tuwa radi klawu ing pérangan tudhungipun, déné gagangipun gadhah warni coklat nèm.[1] Jamur merang ingkang dipunsadé kanggé dipundhahar punika jamur merang ingkang taksih enèm saha dèrèng wonten lapisan cawan wonten tudhungipun.[1]
Jamur merang dipunbudidayakaken wonten ing wewangunan omah kaca ingkang dipunwastani kumbung.[1] Jumbuh kaliyan namanipun, jamur merang ngginakaken dami kanggé medhia tanem.[1] Dami punika sami kaliyan merang inggih punika wit pantun.[1] Miturut panalitèn, limbah kapas ugi saged dados medhia tanem ingkang saged ngasilaken asil prodhuksi ingkang saé tumrap jamur merang.[1] Jamur merang misuwur kanthi nama warm mushroom.[1] Punika amargi jamur merang saged gesang wonten ing suhu ingkang panas inggih punika antawis 30-38°C kanthi suhu ingkang saé piyambak inggih punika 35 °C.[1] Jamur merang punika dipun-ginakaken dados bahan pangan ingkang gadhah protéin ingkang kathah.[2]
Cathetan suku
[besut | besut sumber]- ↑ a b c d e f g h i j k l m Jamur Pangan[pranala mati permanèn](dipunundhuh tanggal 16 September 2011)
- ↑ bébas.ui.ac.id[pranala mati permanèn](dipunundhuh tanggal 16 September 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |